ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԿՈՉ

Իրանի Քերմանշահ նահանգում տեղի ունեցած աւերիչ երկրաշարժի տուժած մեր հայրենակիցներին օգնելու համար, մասնակցեն ընդհանուր օգնութեան շտապներին, կատարելով իրենց քաղաքացիական պարտականութիւնը նիւթական եւ անհրաժեշտ իրերի տրամադրութեամբ, մարդասիրական օժանդակութիւններով։

Զօրակցենք մեր աղէտահար հայրենակիցներին մեր օժանդակութիւնները կատարելով պետութեան կողմից առաջադրւած եւ յայտարարւած հնարաւորութիւնների միջոցով։

Նիւթական նւիրատւութեան պարագային հաճեցէք բանքային հետեւեալ հաշւեհամարին մուծել ձեր գումարները`

0110547278004

شورای خليفه گری ارامنه تهران – بانک ملی شعبه اردشير کد 690

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ

ԹԵՀՐԱՆԻ ՀԱՅՈՑ ԹԵՄԻ

Հարցազրոյց Ծխական Տուրքի Մարմնի ատենապետ՝ Տկն. Վիրջինիա Էլեասեանի հետ

Եթէ կարելի է, նախ բացատրէք թէ ի՞նչ է նշանակում ծխական տուրք:

Թեհրանի Թեմի Հայաստանեաց Առաքելական Ս. Եկեղեցու Առաջնորդարանի և համայնքի կրօնական, կրթական և ազգային կառոյցների նիւթական կարիքները հոգալու համար, իւրաքանչիւր եկամուտ ունեցող հայ անհատ, իր նիւթական կարողութեան սահմաններում՝ պարտադիր է վճարել այդ տուրքը:

Ի՞նչքան ժամանակ է ինչ սկսել էք ձեր աշխատանքը:

2015-ի յուլիսի 1-ից Թ. Հ. Թեմի Թեմական խորհրդի կողմից կեանքի կոչւեց մեր մարմինը:

Այս ընթացքին ի՞նչ աշխատանքներ էք կատարել:

Քանի որ 2012թ. Մարտ ամսից դադարեցւել է Ծխական Տուրքի գրասենեակի պաշտօնեայի և գանձիչների աշխատանքները,  մարմնիս կողմից աշխատանքը յանձնարարւել է եկեղեցիների խորհրդներին:  Մարմինները շարունակել են իրենց աշխատանքը՝ ամբողջացնելու Ծ.Տ. վճարող ընտանիքների ցանկերը և գործնական տարբեր ձևեր կիրառել աւելացնելու գանձումները:  Նոր գործելակերպով առաջնորդւելու հարմար ունեցել ենք բացատրական հանդիպումներ:  Կիրառւած նոր ձևը համայնքում տեղ գտնելու համար, մարմնի միջոցով կազմակերպւել է քարոզչական աշխատանքներ, ընդորում պատրաստւել են պաստառներ որոնք փակցւել են եկեղեցիների շրջափակներում, միութիւններում ցրւել են թռուցիկներ:  Ալիք օրաթերթում տպագրւել են յայտարարութիւններ, նաև հայրենակիցներին յղւել է կարճ հաղորդագրութիւններ:

Թեմական խորհրդի համաձայնութիւնը ստանլով, մարմինս դիմել է Թ.Հ.Թ. կրթական խորհրդին և առաջարկել , որ ընթացիկ ուսումնական տարեշրջանի ընթացքում Ծ.Տ. մարմնի նիւթական և բարոյական գործունէութեան զեկույցը, որպէս տեղեկանք աշակերտների միջոցով ընտանիքներին փոխանցել:  Այս որոշումը շուտով գործնականի պիտի վերածել:

Մեր հայրենակիցների հետ շփւելու և մարմնիս գործունէութեան վերաբերեալ աւելի լայն բացատրութիւն տալու նկատառումից ելնելով, յաճախակի դիմումներ է կատարւել մեր միութիւններին, լայնամասշտաբ համագործակցութեան ակնկալիքով սակայն հանգամանքների բերումով, երբեմն չի յաջողւում ապահովել բոլոր միութիւնների աջակցութիւնը մեր աշխատանքների ընդլայնման և իրագործման ուղղութեմաբ:

Այժմ երբ ձեր գրասենեակի պաշտօնեայի և գանձիչների աշխատանքները դադարել են, ի՞նչ միջոցներով է գանձւում ծխական տուրքը:

Մեր հայրենակիցները կարող են անլայն վճարում կատարել դիմելով Ազգային Առաջնորդարանի կայք:  Կարելի է եկեղեցիներում, կրօնական արարողութիւնների ընթացքին դիմել եկեղեցական խորհուրդներին և վճարումը կատարել:

Խնդրեմ բացատրէք թէ ի՞նչ նպատակներով են օգտագործւում այս գումարները:

Մարմնիս միջոցով գանձւած բոլոր գումարները ուղղւում են Թեմիս նիւթական բաժին, որոնք օգտագործւում են հայոց դպրոցներում ուսանող անվճար աշակերտների, կարիքաւոր ընտանիքների և ուսանողների նիւթական խնդիրները որոշ չափով լուծելու համար:

Վերջում ի՞նչ ունէք աւելացնելու:

Առիթը պատեհ համարելով մեր խորին շնորհակալութիւններն ենք յայտնում, այն միութիւններին, որոնք մշտապէս իրենց աջակցութիւնն են առաջարկում մեզ:  Նաև մեր խոր գնահատանքի խօսքն ունենք ուղղելու Թեհրանի բոլոր եկեղեցիների եկեղեցական խորհրդներին, որոնք խոր գիտակցելով մարմնիս գործունէութեան յաջողութեան կարևորութիւնը, նեցուկ են հանդիսացել և դիւրացրել, տարւող աշխատնքների իրականացումը:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com