Կիրակի, 24 դեկտեմբեր 2017-ի կէսօրին վեցերորդ շրջանի քաղաքապետ պրն. Բաբայի եւ շրջանի պետ՝ պրն. ԶաՖարի իրենց օգնականներով այցելեցին Ս. Սարգիս եկեղեցի։ Պատարագից յետոյ եկեղեցու դռան մօտ ծաղիկներ բաժանեցին հաւատացեալներին. այնուհետ Առաջնորդ Սրբազան հօր ընկերակցութեամբ նահատակաց յուշարձանին մօտ իրենց յարգանքը մատուցին մեր մէկ ու կէս միլիոն նահատակներին եւ ապա բարձրացան դահլիճ։
Դահլիճում առաջնորդ Սրբազան հայրը ջերմօրէն ողջունեց նրանց, շնորհակալութիւն յայտնեց իրենց որ մեր նահատակաց յուշարձանի առաջ յարգանք են մատուցել մեր նահատակներին եւ ասաց.«Տօնական օրերը առիթ են, որ փոխադարձ այցելութիւններով միմեանց շնորհաւորենք եւ միմեանց համար աղօթենք, յատկապէս, այս օրերին, երբ աշխարհը եւ մասնաւորաբար Պաղեստինը, որտեղ մօտաւորապէս 2000 տարիներ առաջ Խաղաղութեան Իշխանը ծնւեց, իր ժողովրդով անարդարութեան ու բռնութեան է ենթարկւում»։ Պրն. քաղաքապետը իր կարգին իր եւ Թեհրանի քաղաքապետի ողջոյնները փոխանցեց, յայտնելով որ պրն. քաղաքապետը թելադրել է, տօնական այս օրերին աւելիով ուշադրութիւն դարձնեն մեր քրիստոնեայ հայրենակիցների վրայ։
Վերջում պրն. քաղաքապետը Սրբազան հօր գեղեցիկ մի ծածկոց նւիրեց։
http://tehranprelacy.com/news-am/9-content-hy/news-hy/1521-2017122501?tmpl=component&print=1#sigProId3cf5b5858b