ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԿՈՉ

Իրանի Քերմանշահ նահանգում տեղի ունեցած աւերիչ երկրաշարժի տուժած մեր հայրենակիցներին օգնելու համար, մասնակցեն ընդհանուր օգնութեան շտապներին, կատարելով իրենց քաղաքացիական պարտականութիւնը նիւթական եւ անհրաժեշտ իրերի տրամադրութեամբ, մարդասիրական օժանդակութիւններով։

Զօրակցենք մեր աղէտահար հայրենակիցներին մեր օժանդակութիւնները կատարելով պետութեան կողմից առաջադրւած եւ յայտարարւած հնարաւորութիւնների միջոցով։

Նիւթական նւիրատւութեան պարագային հաճեցէք բանքային հետեւեալ հաշւեհամարին մուծել ձեր գումարները`

0110547278004

شورای خليفه گری ارامنه تهران – بانک ملی شعبه اردشير کد 690

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ

ԹԵՀՐԱՆԻ ՀԱՅՈՑ ԹԵՄԻ

Եռօրեայ Ուխտագնացութիւն՝ Ս. Գէորգ Եկեղեցու Անւանակոչութեան Տօնի Առթիւ

Այս տարի ևս ըստ աւանդութեան, Ս. Գէորգ Զօրավարի տօնի առիթով, եռօրեայ ուխտագնացութիւն և եկեղեցական արարողութիւններ կատարւեցին Թեհրանի Ս. Գէորգ եկեղեցում, սեպտեմբերի 24, 25 և 26-ին:

Ուխտատեղին ողողւել էր բազմահարիւր ուխտաւորներով, որոնք եկել էին իրենց քրիստոնէական պարտականութիւնը կատարելու սրբի հանդէպ, ինչպէս նաև հաղորդւելու աստւածային ներկայութեան և մասնակից դառնալու օրւայ խորհրդին:

Հինգշաբթի Առաջնորդ Սրբազանը քարոզեց, իսկ ուրբաթ երեկոյեան, քարոզեց Առաջնորդական փոխնորդ՝ Գերշ. Տ. Մակար Ս. Եպս. Աշգարեանը:

Շաբաթ առաւօտեան ժամերգութիւնից յետոյ, Սուրբ և Անմահ Պատարագը մատուցեց Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը:

Իր խօսքերի սկզբում, Առաջնորդ Սրբազանը իր խոր գնահատանքը և օրհնութիւնը յայտնեց մեր եկեղեցիների և յուշարձանների պահպանման յանձնախմբի բոլոր անդամներին և եկեղեցու խորհրդին, որոնք նախանձախնդրօրէն և բծախնդրօրէն անցեալ ամիսների ընթացքին հետևեցին և հսկեցին վերանորոգութիւններին, « և ահաւասիկ այսօր եկեղեցին արդէն պայծառացած և կերպարանափոխւած մեզ ընդունում է իր մէջ» ասաց Սրբազան Հայրը: 

Իր քարոզի ընթացքին, Սրբազան Հայրը շեշտեց՝ «... ներշնչող իրականութիւն է, երբ մէկը իր շրջապատի մէջ լինում է լոյս և լուսաւորում է իր շրջապատը:  Մեր քրիստոնէական կրօնի ուսուցումը, այդ լոյսը մեզ յիշեցնողը և առաջ դնողը՝ նոյն ինքը՝ Քրիստոսն է»:  Նա շարունակելով, ասաց.՝ «... բոլոր նրանք, ովքեր ընդունեցին և հաւատացին Նրան, իրենք էլ եղան իրենց շրջապատի մէջ ուխտի և լոյսի զաւակներ:  Քրիստոսի անմիջական հետևողները` առաքեալները, աշակերտներն ու հաւատացեալ ժողովուրդը, Յիսուսի կեանքի օրինակին հետևելով, եղան նոյն ուխտի զաւակները:  Ահա այդպիսին եղան մեր եկեղեցւոյ սրբերը, և այդ սրբերի խմբին պատկանող անձնաւորութիւններից է՝ Ս. Գէորգ Զօրավարը»: 

Սրբազան Հայրը շարունակելով գովաբանելով մեր սրբերին, աւելացրեց՝ «Նրանք հաւատացած էին, որ կեանքը սկսւում է այս աշխարհով, բայց այս աշխարհի մէջ չի վերջանում, որովհետև հաւատացած էին , թէ ով Քրիստոսին հաւատում է, թէպէտ և մեռնի՝ կապրի, որովհետև հաւատքը հոգեկան այն ուժն է, ստեղծագործող և արարող այն զօրութիւնն է, որ մարդուն ինքնաբերաբար առաջնորդում է դէպի յաւերժութիւն»: 

Պատարագի աւարտին Ս. Գէորգի մասունքը կրող արծաթեայ աջով և18 Յուլիսին Լիբանանում - Պրիքֆայա Մ.Տ.Կ.Կ. «Սուրբ Աստւածածին» Վանքում օրհնւած նոր Միւռոնի հեղումով՝ կատարւեց Ջրօրհնէքի արարողութիւնը: Որից յետոյ, հաւատացեալները խուռներամ յառաջ գալով՝ խոր հաւատքով և երկիւղածութեամբ հաղորդւեցին և օրհնւած ջուրն առնելով՝ խաղաղութեամբ մեկնեցին իրենց տները:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com