Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



×

Զգուշացում

JFolder: :files: Հասցեն չի տանում դեպի պանակ։ Հասցե՝ [ROOT]/images/201802/2018020101
×

Տեղեկացում

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/201802/2018020101

Համագումար՝ «Ղոդսը, կրօնների խաղաղութեան մայրաքաղաք» խորագրով

Չորեքշաբթի, 2018 թւի յունւարի 31-ի առաւօտեան, Իսլամական Մշակոյթի եւ Հաղորդակցութեան Կազմակերպութեան նախաձեռնութեամբ, նոյն կազմակերպութեան «Ալզահրա» դահլիճում, կազմակերպւել էր համագումար՝ «Ղոդսը, կրօնների խաղաղութեան մայրաքաղաք» խորագրով:

Համագումարի բացման խօսքը ասաց կազմակերպութեան նախագահ Աբուզար Էբրահիմի Թորքամանը, ով ընդգծեց՝ «Համաշխարհային խաղաղութեան յաւակնորդները եթէ անցեալում քօղարկւած ձեւով էին խաղաղութեան դէմ քայլերը իրականացնում, այսօր բացայատ ձեւով փորձում են միջազգային հանրութիւնից վերացնել խաղաղութիւնը»: Դոկտ. Թորքամանը շեշտեց՝ «Իրանում բոլոր իրանցիները ինչ կրօնի էլ որ նրանք պատկանեն միմեանց կողքի միասնական պայքար են մղում երկրի թշնամիների դէմ»:

Միջոցառմանը ելոյթով հանդէս եկաւ Իրանի արտգործ նախարարի քաղաքական հարցերով տեղակալ՝ Սէյեդ Աբբաս Արաղչին, ով շեշտելով Երուսաղէմի պատմա- մշակութային էութեանը եւ ընդգծեց՝ «Տարբեր կրօնների ներկայացուցիչների մասնակցութիւնը այս համագումարում եւ նրանց գործակցութիւնը յոյժ կարեւոր է: Անհրաժեշտ է Երուսաղէմը աշխարհին ներկայացնել խաղաղութեան մայրաքաղաք եւ այն Պաղեստինի ու իսլամ աշխարհի, անփոփոխ ու յաւերժական մի մասն է:

Իսլամական յեղափոխութեան առաջնորդի գրասենեակի պետ՝ այաթ. Մոհամադի Գոլփայեգանին իր ելոյթի ընթացքում շեշտեց՝ «Երուսաղէմը համարում ենք երեք Աստւածային կրօններ՝ իսլամի, քրիստոնէութեան եւ մովսիսականութիւնը եւ ելակէտը, որն իր իւրայատուկ դիրքն է զբաղեցնում Աստւածային կրօնների հետեւորդների մօտ եւ իրօք այն պիտի համարել բոլոր կրօնների հետեւորդների համար խաղաղութեան ու բարեկամութեան ակունքը»: Նա ըդգծեց որ Թրամփի քայլը բացայայտ ներխուժում էր Երուսաղէմի ինքնութեան դէմ: Այդ ոչ խելամիտ քայլը դատապարտւել է աշխարհի զանազան կրօնների հետեւորդների կողմից»:

Թեհրանի Հայոց Թեմի առաջնորդ՝ Տ. Սեպուհ արք. Սարգսեանի ելոյթից առաջ պատկերասփռւեց տեսաֆիլմ կապւած Իսլ. Յեղափոխութեան առաջնորդի կողմից հայ եւ ասորի նահատակների բնակարաններ այցերին, որից յետոյ հրաւիրւեց արտայայտւելու Թեմակալ Առաջնորդը:

Տ. Սեպուհ արք. Սարգսեանն իր ելոյթն սկսեց Պաղեստինի նւիրւած ոգեշնչող բանաստեղծութեամբ արաբերէն լեզւով եւ այնուհետ շեշտեց այս համագումարին այժմէականութիւնն ու կարեւորութիւնը եւ ապա յայտնեց, որ Հայոց եկեղեցին եւ ժողովուրդը, որպէս անբաժանելի մասը քրիստոնէական եկեղեցու կանգնած է Պաղեստինի ժողովրդի կողքին, այնուհետ Սրբազանը կարեւորութեամբ անդրադարձաւ Երուսաղէմ քաղաքի պատմութեան, որպէս արաբ քանաանիդ ցեղախմբի կենտրոն, շեշտելով Երուսաղէմ քաղաքի արաբական նկարագիր։ Սրբազանն իր դասախօսութեան մի այլ մասում մատնանշեց, որ Երուսաղէմի գրաւումով սիոնական պետութեան կողմից, բնակչութեան հաւասարակշռութիւնը սկսեց փոխւել։

Սրբազան հայրը շեշտեց, որ այս շրջանում, որեւեէ մէկ համաձայնութեան պարագային պէտք է նկատի առնւի Երուսաղէմի՝ Պաղեստինեան պետութեան անբաժան լինելու իրողութիւնը եւ երկրորդ նրա աստւածային երեք կրօնների՝ մովսիսականութեան, քրիստոնէութեան եւ իսլամութեան պատկանելու պարագան։ Թեմակալ Առաջնորդն ընդգծեց՝ «Հայաստանեաց Առաքելական Եկեղեցին, որպէս աշխարհի քրիստոնեայ համայնքի անդամ, ձեզ եւ համայն աշխարհի խաղաղասէր ժողովրդի հետ է եւ յատուկ սէր է տածում Երուսաղէմի եւ Երուսաղէմի ժողովրդի նկատմամբ»: Նաև ընդգծեց, որ օրեր առաջ Կահիրայում գումարւած միջազգային նիստին մասնակիցները, նաեւ բողոքարկել են Թրամփի որոշման դէմ:

Միջոցառումը շարունակւեց այլ կրօնական փոքրամասնութիւնների պետերի եւ զանազան մասնագէտների ելոյթներով: Համագումարին ներկայ էին կրօնական փոքրամասնութիւնների հարցով հանրապետութեան նախագահի յատուկ ներկայացուցիչ՝ հոջ. Իւնեսին, պետական պատկան մարմինների ներկայացուցիչներ, զանազան երկրների դեսպաններ եւ միջազգային կազմակերպութիւնների քաղաքական ներկայացուցիչներ, Հայ Կաթողիկէ համայնքի հոգեւոր առաջնորդ եւ ներկայացուցիչներ, Թ.Հ.Թ. Թեմական Խորհրդի ներկայացուցիչներ եւ քահանայ հայրեր:

Համագումարի աւարտին ընթերցւեց 10 կէտանոց բանաձեւ, որի կէտերի մէջ նշւած էր՝ Սիոնիստական վարչակարգը բռնագրաւիչ եւ կեղծ վարչակարգ է եւ Պաղեստինի սրբազան տարածքի նկատմամբ որեւէ իրաւունք չունի: Մէկ այլ կէտի մէջ նշւել էր՝ Թրամփի կառավարութեան որոշումը ԱՄՆ-ի դեսպանատունը Երուսաղէմ փոխադրելու առումով օրինականութիւն չունի եւ սպառնալիք է Աստւածային բոլոր կրօնների եւ համաշխարահային անվտանգութեան դէմ: Բանաձեւի այլ կէտը կարեւորել էր կրօնների միջեւ կառուցողական երկխօսութիւնը որպէս ազդեցիկ միջոց քաղաքական եւ կրօնական ծայրայեղականութեան դէմ եւ այն կարեւոր համարել համաշխարհային խաղաղութեան ու կայունութեան եւ աշխարհի ժողովրդի բարօրութեան համար:

{gallery}201802/2018020101{/gallery}

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ