ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հանդիպում Վարպետ Վազգէն Այւազեանի հետ

Իրաքի կողմից Իրանին պարտադրւած 8 ամեայ պատերազմի ընթացքում բազմաթիւ հայ վարպետ արհեստաւորներ իրենց հնարամտութեամբ և ստեղծագործ աշխատանքով մեծ ծառայութիւններ են մատուցել Իրանի զինեալ ուժերին, որոնց մասին թեպէտ գրւել ու խօսւել է, սակայն դեռ կան դէմքեր, որոնք իրենց համեստութեամբ մնացել են այսպէս ասած լուսանցքներում:

Այդ դէմքերից է Վարպետ Վազգէն Այւազեանը, բարձրաոլտ տրանսֆորմատորների մասնագետ, ով պատերազմի ողջ ընթացքում իր մասնագիտութեան բնագաւառում մեծ ծառայութիւններ է մատուցել բանակի օդուժին:

Վազգէնը ծնւել է 1947 թ. Թեհրանում, նախնական ուսումը ստացել է Հայոց ազգ. Սահակեան դպրոցում, ապա մինչև 9-րդ ուսումը շարունակել է նոյն քաղաքամասի պարսկական դպրոցում, սակայն տարբեր պատճառների բերումով կիսատ թողնելով ուսումը անցել է աշխատանքի: 18 տարեկանում բժշկական պատճառով զերց է մնացել զինւորական ծառայութիւնից, որից յետոյ ներկայացել է ժամանակի տրանսֆորմատորների ճանաչւած վարպետ Համայակին և պատրաստակամութիւն յայտնել անվճար աշխատելու, արհեստ սովորելու նպատակով:

Իր ուշիմութեան և աշխատասիրութեան բերումով շատ արագ տիրապետել է արհեստին և 1976-ին Թեհրանում բացել է իր սեփական արհեստանոցը և շնորհիւ իր նորարարութիւնների, մեծ ճանաչում է գտել նաև պետական այդ թւում նաև բանակի կողմից: Պատերազմի սկսւելու առաջին իսկ օրերին բանակի օդուժի գնդապետ Բերենջին, Վազգէնին է դիմել համագործակցութեան, տրանսֆորմատորների նորոգման գծով, որը շարունակւել է ամբողջ ութը տարի: Այդ ողջ ընթացքում վարպետ Վազգէնը իր հնարամտութեամբ կարողացել է լուծել շատ բարդ խնդիրներ իր մասնագիտութեան բնագաւառում, որի համար արժանացել է յատուկ գնահատագրերի:

Վազգէն Այւազեանը ամուսնացած է, ունի մէկ աղջիկ և մէկ տղայ զաւակներ, որոնք երկուսն էլ համալսարանաւարտ մասնագետներ են, իսկ կինը տկն. Էմման ևս մասնակից է Թեհրանահայ հասարակական աշխատանքներում:

Ներկայիս վարպետ Վազգէնը համագործակցում է Զիգմա ընկերութեան հետ:
Յարգարժան վարպետը Անձնուրացների յանձնախմբի հերթական հանդիպման հիւրն էր, որտեղ պատմեց իր կատարած աշխատանքների մասին:

Թ.Հ.Թ.-ի Անձնուրացների Յանձնախումբ

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com