«Էլպիս Ֆերահեան» Ազգային Մանկապարտէզի 75-ամեակի առիթով, յոբելեանական յանձնախմբի նախաձեռնութեամբ, թւականիս յունիսի 13-ին գեղարւեստական ծրագրով յագեցած հանդիսութեան ընթացքում, ձեռամբ՝ Թ. Հ. Թեմի Առաջնորդ Տ. Սեպուհ արք. Սարգսեանի, մանկապարտէզի 75-ամեակի առիթով պատրաստւած յուշակոթողի բացումը կատարւեց:
Մանկապարտէզի սաների կատարմամբ տեղի ունեցած հանդիսութեանը, ներկայ էին Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Թ. Հ. Թ. Թեմական խորհրդի, Կրթական խորհրդի, ազգային մարմինների ու միութիւնների ներկայացուցիչներ, մանկապարտէզի ժամանակի տեսչուհի՝ Դիանա Շահնազարեանը եւ սաների ծնողները:
Գեղարւեստակնան բաժնի աւարտին եզրափակիչ խօսքով հանդէս եկաւ Տ. Սեպուհ արք. Սարգսեանը, որ անդրադարձաւ մանկապարտէզի անցնող 75 տարիների գործողութեան, յիշելով, որ ամեակներն ընդհանրապէս քաղցր յուշեր ունեն իրենց մէջ, որոնք իմաստաւորում են դրանց:
Սրբազան Հօր խօսքերից յետոյ, մանկապարտէզի բակի մուտքի մօտ կատարւեց յուշակոթողի բացումը, որը պատրաստւել է Ցելլա Բաղումեանի հովանաւորութեամբ, ի յիշատակ՝ մանկապարտէզի ժամանակի սաներ՝ վաղամեռիկ Շողեր եւ Նայիրի Ստեփանեանների, որոնք զոհւեցին 2009 թւականին Թեհրան-Երեւան աւիավթարի հետեւանքով:
