Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Ասմունքի մրցութեանը մասնակցող աշակերտները մեծ խանդավառութեամբ մեկնեցին Շուշի

2018 թ. յուլիսի 31-ից մինչեւ օգոստոսի 2-ը ՀՀ Սփիւռքի նախարարութեան, ԼՂՀ Կրթութեան եւ գիտութեան նախարարութեան եւ «Աւան Շուշի Պլազա» հիւրանոցային համալիրի նախաձեռնութեամբ ու աջակցութեամբ Շուշիում կանցկացւի ասմունքի Համահայկական 7-րդ փառատօնը, որը նւիրւած է «Արցախեան շարժման» 30-ամեակին:

2017 թ. փառատօնին մասնակցել էին 90 աշակերտներ 8 երկրից` Հայաստանից, Արցախից, Իրանից, Վրաստանից (Ջաւախքից), Լիբանանից, Ուկրայինայից, Բելոռուսիայից եւ ԱՄՆ-ից: Ամէն տարի զգալիօրէն աւելանում է մասնակիցների թիւը: Փառատօնի շրջանակներում աշակերտները կայցել են Արցախի տեսարժան վայրեր: Տարիներ շարունակ Թեհրանն իր մասնակցութիւնն է ունենում այս մրցոյթին, պարբերաբար գրաւելով յաղթական տեղեր:

Այս տարի եւս Թ. Հ. Թ. Կրթական խորհրդի, Մշակութային յանձնախմբի կողմից կազմակերպած մշակութային փառատօնի ասմունքի բաժնում լաւագոյններից 16 աշակերտներ, իրենց մասնակցութիւնը կունենան, այս փառատօնին:

Յուլիսի 29-ին, ժամը՝ 18:00-ին Թեհրանի Սուրբ Սարգիս եկեղեցում ներկայ էին Կրթական խորհրդի ներկայացուցիչներ, ծնողներ, Թեհրանի տարբեր դպրոցներից շուրջ 16 աշակերտներ եւ 3 պատախանատուներ. փառատօնին մասնակցող խումբը, ստանալով հայոց թեմի առաջնորդ Տ. Սեպուհ արք. Սարգսեանի օրհնութիւնն ու բարեմաղթանքները մեկնեց ԼՂՀ:

Մեր սիրելի աշակերտներին մաղթում ենք յաջողութիւն եւ յաղթանակ:

Թ. Հ. Թ. Կրթական խորհուրդ

 

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ