ԱՅՑԵԼՈՒԹԻՒՆ ՔԱՂԴԷԱՑՒՈՑ- ՔԵԼԴԱՆԻ ԱՌԱՋՆՈՐԴԱՐԱՆ

Երեքշաբթի 31 յուլիս 2018-ի առաւօտեան թեմիս առաջնորդ Գերշ. Տ. Սեպուհ Ս. Արք. Սարգսեան ընկերակցութեամբ Արժ. Տ. Կոմիտաս Քհնյ. Ղարախանեանի, այցելեց Թեհրանի քաղդէացիների-քելդանի-առաջնորդ Գերշ. Տ. Ռամզի Գարմօ Արքեպիսկոպոսին իր առաջնորդարանում։

Այցելութիւնը առիթ եղաւ միասնաբար խօսելու եկեղեցիների միմեանց հետ յարաբերութիւնների առաւել աշխուժացման, ինչպէս նաեւ եկեղեցու ծխական-արարողական կեանքի հետ կապւած հարցերի մասին։ Թեմիս առաջնորդ Սրբազան հայրը կարեւորութեամբ շեշտեց Իրանի Եկեղեցիների մի խորհրդի կազմութեան անհրաժեշտութիւնը։ Ռամզի Սրբազանը ինք եւս կարեւոր նկատեց նման մի խորհրդի կազմութիւնը։

Այնուհետ խօսւեց շրջանային եւ միջազգային միջ-եկեղեցական կեանքում տեղի ունեցող հարցերի մասին, շեշտելով նման միջ-եկեղեցական, միջ-կրօնական հանդիպումների կարեւորութիւնը։

Աւելի քան մէկ ժամ տեւող հանդիպումը անցաւ անկեղծ ու մտերմիկ մթնոլորտի մէջ։