ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Թ. Հ. Թ. Կրթական խորհրդի Ատենապետ՝ Անետ Բաղդասարեանի Խօսքը Ս. Թարգմանչաց տօնին նւիրւած միջոցառմանը

Ողջունում ենք Հայաստանի առաջին հանրապետութեան հիմնադրման 100 ամեակը:

Հարիւր տարի առաջ՝ 1918 թւականի մայիսի 28-ին, հռչակւեց Հայաստանի Առաջին Հանրապետութիւնը: Մայիսեան յաղթանակով վերականգնւեց հայ ժողովրդի` դարեր առաջ կորցրած անկախութիւնը:

Մայիսեան հերոսամարտերը ապացոյցը դարձան հայ ժողովրդի ապրելու և յարատևելու անխափան կամքի ու վճռականաութեան:

Հայ մշակոթը, հայ ժողովրդի գոյատևման ամենաէական ու կարևոր ազդակներից է թէ՝ Հայաստանում և թէ՝ Սփիւռք աշխարհում: Իսկ եթէ նրա վրայ չդրւէր Մաշտոցի կնիքը, պարզ է, որ այսօր կարող էր և չլինէր հայը:

Մենք ապրեցինք և յաւերժացանք մեր այբուբէնով, հազարամեակների խորքից եկած ու Մաշտոցով դրոշմւած մեր ոսկեղնիկ լեզուն զօրաւոր զրահ դարձաւ և մեզ պաշտպանեց ամէն տեսակ դաժան ու բարբարոս ցեղերի հարւածներից:

Ամէն անգամ երբ խօսում ենք մեր մշակութային արժէքների մասին, որոնք դարեր ի վեր հարստացրել են մեր հոգեմտաւոր գանձերի շտեմարանը, մեր դէմ յառնում են նւիրեալ անձինք, որոնք փայլատակելով հայոց մտքի ու արւեստի երկնակամարում, իրենց անջնջելի դրոշմն ու հետքն են թողել մեր գոյատևման վրայ:

Հայերէն գրաւոր լեզւի ռահվիրա՝ Մեսրոպ Մաշտոցը, Սահակ Պարթեւ կաթողիկոսը, Ղեւոնդ Երէցը, Եզնիկ Կողբացին, Կորիւնը և նւիրեալ Թարգմանիչ վարդապետներն ամենագէտ, անմահական և հանճեղ այրեր:

5-րդ դարի թարգմանական գրականութիւնը հիմք է հանդիսացել հայ ինքնուրոյն աստւածաբանական, դաւանաբանական, պատմական եւ այլ գրականութեան ստեղծման համար, այս դարում է, որ սկսւեց Հայ Մշակոյթի «Ոսկեդարեան Շրջանը»:

Հայ Թարգմանիչների նւաճումներից մէկն էլ Մաշտոցեան Դպրոցների հիմնումն էր, որոնք դարձան գրականութեան, քաղաքկրթութեան, գիտութեան ու մշակոյթի հետագայ զարգացման և հայ ժողովրդի ինքնութեան պահպանման հիմքերը:

Ս. Գրքի թարգմանութիւնը կարեւոր դեր խաղաց հայ իմացական կեանքի մէջ։ Եւ ամենակարևորն այն է, որ Հայոց մատենագրութիւնը սկսւել է Աստւածաշնչի թարգմանութեամբ։

Մենք իբրև Կրթական խորհուրդ, մեր ուսերին ենք զգում Մեսրոպ Մաշտոցի արժանի ժառանգորդը լինելու կարևոր պարտականութիւնը, այն է՝ պահպանենք և յաջորդ սերունդներին յանձնենք այս Սրբազան ջահը:

Անհերքելի է հայ դպրոցի դերը, յաջորդող սերունդներին հայի ինքնութեան դիմագիծը պահպանելու գործում: Հայ դպրոցն այն միջավայրն է, որ իր հայաբոյր մթնոլորտում մեր սերունդներին հրամցնում է մայրենիով մտածելու կարողութիւն, ազգային, հոգևոր, մտաւոր և մշակոյթային արժէքներ:

Կրթական խորհուրդն իր գործունեութեան ժամանակահատւածում հետևողական քայլեր է ձեռնարկել մշակութային, գիտակրթական և մարզական ծրագրերի իրականացմամբ, հիմնական շեշտը դնելով այնպիսի խնդիրների վրայ, ինչպիսիք են ուսումնական մակարդակի բարձրացումը, հայեցի դաստիարակութեան կարևորութիւնը, որոնք միտւած են առավելագոյնս նպաստելու մեր համայնքի բարգաւաճմանը:

Խորհուրդն իր կեանքի կոչւելու օրւանից որպէս ծրագրող և համակարգող մարմին, իր առջև խնդիր է դրել հնարաւորինս արդիւնաւէտ օգտագործելով ունեցած հնարաւորութիւնները հասնել առաւելագոյն արդիւնքների:

Մեր կարևոր պարտականութիւներից է եղել ղեկավարութեան մօտ ամրակայելու Կրթական խորհրդի առանցքային դերը, մեր հասարակութեան առաջադիմութեան գործում:

Կրթական խորհուրդը հաւատացած է, թէ հնարաւոր է դիմակայել բոլոր դժւարութիւններին և հարցերին, իր կողքին ունենալով երկու կարևոր գործօններ, առաջին գործոնը՝ հայ ընտանիքն է, իսկ երկրորդը՝ հայ տեսուչ, փոխտեսուչ և հայ ուսուցիչը:

Հայ դպրոցն իր առաջապահ դերի մէջ պահելու համար, անհրաժեշտ է ունենալ ազգային խոր գիտակցութեամբ ուսուցիչներ: Նրանց ստանձնած իւրայատուկ առաքելութեամբ է իրականանում հայապահպանումն ու հայեցի դաստիարակութիւնը մեր դպրոցներում: Դպրոցի առաջխաղացման գործում իրենց կարևոր նշանակութիւնն ունեն նաև մեր Ծնողական խորհուրդները:

Յանձնախմբերի միջոցով հայոց դպրոցներում ուսուցիչների և աշակերտների մասնակցութեամբ ծրագրւել ու գործադրւել են հայեցի դաստիարակութեանը աշակերտների աշխուժացմանը նպաստող գիտելիքների մրցոյթներ, արտադասարանական երկսեռ արշաւներ և ալյազան ծրագրեր:

Իրականացւել են մրցոյթներ՝ ասմունքի, երգի և նւագարանների բնագաւառում, որոնք հնարաւորութիւն են ընձեռնում աշակերտների մօտ բարձրացնելու իրենց ինքնագնահատումն ու ինքնավստահութիւնը:

Կրթական Խորհուրդը դպրոցների իրավիճակն ուսումնասիրելու համար կիրառելով տարբեր մեթոդիկաներ փորձում է գտնել ուսման համակարգի թոյլ և ուժեղ կողմերը, հզօրացնելով համակարգը:

Օրւայ հրամայականից ելնելով Կրթական Խորհրդի նախաձեռնութեամբ դպրոցներ են գործուղւել հոգեբան-խորհրդատուներ, հանդիպումներ ունենալով ծնողների և աշակերտների հետ, կազմակերպելով կենցաղային հմտութիւնների թեմայով դասարաններ:

Նշելի է նաև, որ մենք ջանք չենք խնայել Ազգային իշխանութեան բոլոր օղակներին ատակ պահելու աշխատանքների ընթացքից, միշտ ունեցել ենք Սրբազան Հօր և Թեմական խորհրդի աջակցութիւնը, որոնք սատար են հանդիսացել կրթական կարևորագոյն խնդիրների լուծմանը:

Պարբերաբար հանդիպումներ ենք ունեցել Իրանի ընդհանուր Կրթադաստիարակչական նախարարութեան, ինչպէս նաև Թեհրանի 8–րդ և 6-րդ շրջանների կրթադաստիարակչական տեսչութիւնների հետ, ունենալով որոշակի յաջողութիւններ:

Խորհուրդս մեծ ուշադրութիւն է դարձնում նաև կրօնական ծէսերին և ազգային տօներին, որոնք մեծ շուքով և առանձնակի ուշադրութեամբ են նշւում ազգային դպրոցներում:

Առիթը պատեհ համարելով շնորհակալութիւն ենք յայտնում Գերշ. Սրբազան Հօրը, Թեմական Խորհրդին, դոկտ. Կարէն Խանլարեանին, բոլոր ազգայիններին և յանձնախմբերի կազմերում իրենց նպաստն ունեցած անհատներին, վերոնշեալ բոլոր աշխատանքներն իրականացնելու գործում:

Մենք հաւատում ենք, որ միասնական ուժերով կարող ենք, ու կը նւաճենք ազգակրթական գագաթը ի պատիւ մեր ժողովրդի և մատաղ սերնդի:

Սիրելի ներկաներ, գիտութեան ու կրթութեան գործի նւիրեալներ, Շնորհաւորում ենք ձեզ նոր ուսումնական տարւայ, գիտելիքի, գրի, թարգմանչաց եւ դպրութեան օրւայ առթիւ:

Յաջողութիւն ենք մաղթում ձեզ ուսումնառութեան, ազգային կրթութեան ու հայեցի դաստիարակութեան հայրենանւէր գործում:

Շնորհակալութիւն

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com