ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Մեծարանքի երեկոյ նւիրւած իրանահայ ճարտարագէտ Վարդան Պօղոսեանին

Հինգշաբթի, Նոյեմբերի 1-ին, «Արտակ Մանուկեան» թանգարանում տեղի ունեցաւ իրանահայ ճարտարագէտ՝ Վարդան Պօղոսեանի մեծարման հանդիսութիւնը:

Վարդան Պօղոսեանը, մագիստրատուրայի աստիճանով, աւարտել է «Թեհրան» համալսարանի տեխնիկական ֆակուլտետի հանքերի ճարտարագիտութեան մասնաճիւղը, արտահանման թէքումով: Ճարտարագէտ Պօղոսեանի հիմնական մասնագիտութիւնը բաց հանքերի նախագծումն է:

Նա «Անգուրան»-ի հանքերում աշխատել է տարբեր պաշտօններում՝ փորձագէտի, հանքի պետի, տեխնիկական վարիչի, բաժնետէրի և «Քալսիմին» ընկերութեան վարիչ մարմնի նախագահութեան հանգամանքով: Նա, որպէս գլխաւոր խորհրդատու աշխատել է ցինկի, արճճի, պղնձի, ցեմենտի և ոսկու հանքերի արտահանման ու շահագործման նախագծերում և նախագծել ողջ երկրում տարածւած յայտնի հանքավայրերում և տասնեակ զանազան ընկերութիւններում: 2005 թւին գնահատանքի է արժանացել, որպէս վաստակաւոր Աւագ ճարտարագէտ Իրանի հանքերի ճարտարագիտութեան ոլորտում:

Մեծարանքի երեկոն իրենց ներկայութեամբ պատւել էին Իրանի եւ իրանահայ համայնքի ճարտարագիտութեան ականաւոր դէմքեր: Ներկայ էին թեմիս բարեխնամ առաջնորդ գերշ. Տ. Սեպուհ Ս. արք. Սարգսեանը, Թ. Հ. Թ. Պատգամաւորական ժողովի, Թեմական խորհրդի, ազգային մարմինների ու միութիւնների ներկայացուցիչներ:

Նախ ողջոյնի խօսքով հանդէս եկաւ Հ.Ճ.Ճ.Մ.-ի նախագահ՝ ճրտգ. Վարուժան Եդգարեանը, ապա ընթերցւեց ճրտգ. Վարդան Պօղոսեանի ամփոփ կենսագրականը: Ծրագիրը վարում էր Նոյ Նազարեանը:

Վահագն Դաւթեանի «Հայ ժողովրդին» ասմունքով հանդէս եկաւ ճրտգ. Մեղրի Բուդաղեանը: Ջութակի կատարումներով ելոյթ ունեցաւ Փիւնիկ Խուդավերդեանը իսկ քնարի կատարումներով՝ Մերեդիթ Մովսիսեանը:

Ելոյթներով հանդէս եկան ճրտ. Հոսէյն Ռէզային և ճրտ. Ֆարզան Ռաֆիհան, որոնք պատմեցին ճրտգ. Վարդան Պօղոսեանի հետ ունեցած իրենց համագործակցութեան անցեալից: Աւարտին, Թեմիս Բարեխնամ Առաջնորդ՝ Գերշ. Տ. Սեպուհ Արք. Ս. Սարգսեանը նախ քաջալերեց ճրտգ. Վարտան Պօղոսեանին, շնորհաւորելով իր գնահատելի աշխատանքների համար, որով ծառայել է իր ծննդավայր Իրանին, ինչու չէ նաև իր ծառայութիւնն է բերել իր պատմական հայրենինքին՝ Հայաստանին: Ապա դիմելով Հ.Ճ.Ճ. Միութեան անդամներին, շնորհակալութիւն յայտնեց իրենց, որ պարբերաբար նման ծրագրեր են կազմակերպում և մեր հասարակութեան ներկայացնում են այն անձինք, որոնք անցեալ տասնեակ տարիների ընթացքին լուռ ու մունջ աշխատել են և իրենց ներդրումն են բերել Իրանին, մեր գաղութին և այդ ձևով իրենց քաղաքացիական պարտականութիւնը լաւագոյն կերպով կատարել:

Միջոցառման աւարտին Սրբազան Հօր ձեռամբ գնահատագիր յանձնւեց Վարդան Պօղոսեանին, ապա նա իր շնորհակալական խօսքն ուղղեց Սրբազան Հօրը, կազմակերպիչներին և մասնակիցներին:

Միջոցառումը նախաձեռնւել էր «Արտակ Մանուկեան» թանգարանի տնօրինութեան և Հայ Ճարտարապետների եւ Ճարտարագէտների Միութեան վարչութեան կողմից։

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com