ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Ուսումնադաստիարակչութեան 6-րդ շրջանի տնօրէնի այցն Ազգային առաջնորդարան

Ամանորեան տօների հետ միաժամանակ Թեհրանի ուսումնադաստիարակչութեան 6-րդ շրջանի տնօրէն տիկ. Զահրա Փարւազի Մողադամը, ֆինանսական հարցերով տեղակալ պրն. Էսֆահանու, հետազօտական հարցերով տեղակալ պրն. Սոլէյմանփուրի, ինչպէս նաև տարրական օղակի հարցերով տեղակալի և խորհրդականի ընկերակցութեամբ այցելեց Թեհրանի 6-րդ շրջանում գտնւող Ս. Սարգիս մայր եկեղեցին, որտեղ հանդիպում ու զրոյց ունեցաւ թեմիս բարեխնամ առաջնորդ Գերշ. Տէր Սեպուհ Ս. Արք. Սարգսեանի հետ:

Թեհրանի ուսումնադաստիարակչութեան 6-րդ շրջանի տնօրէնը Ամանորի եւ Ս. Ծննդեան տօների կապակցութեամբ շնորհաւորելով բոլոր քրիստոնեաներին ու յատկապէս 6-րդ շրջանում բնակւող թեհրանահայերին, ասաց. «Մեզ համար մեծ պատիւ է ամէն տարի Ամանորի առիթով Ազգային առաջնորդան կատարւող այցելութիւնն ու Սրբազան հօր հետ հնդիպումը»:

Փարւազի Մողադամն ակնարկելով Իրանում քրիստոնեաների ու մուսուլմանների խաղաղ ու երկարատեւ համակեցութեանն ասաց. «Ղուրանում մեծարանքով է յիշւել Յիսուս Քրիստոսի անունը եւ մուսուլմաններն իրենց սուրբ գրքի համաձայն բարեկամական վերաբերմունք ունեն քրիստոնեաների հանդէպ: Յիսուս Քրիստոսի և Մոհամմէդ մարգարէյի ծննդեան տօների զուգադիպումն էլ յիշեցնում է բարեկամութեան մասին եւ յոյսով ենք, որ այս բարեբաստիկ զուգադիպութեան շնորհիւ խաղաղութեան, արդարության ու ազատատենչութեան հող կը պատրաստւի եւ աշխարհում ու տարածաշրջանում բրտարարքների արմատները չորացւելով նոր տարում լաւ իրադարձութիւնների ականատես կը լինենք»:

Հանդիպման ժամանակ Սրբազան հայրն իր հերթին շնորհակալութիւն յայտնելով պատւիրակութեան այցի կապակցութեամբ բոլոր իրանցիներին բարիքներով լեցուն ու պատերազմից զերծ տարի ցանկացաւ: 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com