Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՔՐԻՍՏՈՆԷԱԿԱՆ ԴԱՍՏԻԱՐԱԿՈՒԹԵԱՆ ՄԻՋ-ԹԵՄԱԿԱՆ ԵՐԿՐՕՐԵԱՅ ԽՈՐՀՐԴԱԺՈՂՈՎ

Մեծի Տանն Կիլիկիոյ Կաթողիկոսութեան Քրիստոնէական Դաստիարակութեան Բաժանմունքի Կազմակերպութեամբ եւ հովանաւորութեամբ Ն.Ս.Օ.Տ.Տ. Արամ Ա. Կաթողիկոսին, Ուրբաթ, 1 Մարտ 2019-ին մեկնարկեց «Քրիստոնէական Դաստիարակութեան Միջ-թեմական Յանձնաժողով»-ի երկօրեայ խորհրդաժողովը, որին մասնակցում էին թեմերի քրիստոնէական դաստիարակութեան բաժանմունքների ներկայացուցիչները։

Յանձնաժողովի ատենապետն է Գերշ. Տ. Մեղրիկ Եպս. Բարիքեանը, իսկ աշխատանքների համադրողն է Կաթողիկոսարանի Քրիստոնէական Դաստիարակութեան Բաժանմունքի վարիչ Հոգշ. Տ. Զարէհ Վրդ. Սարգիսեանը։

Սրբազան Հօր բարի գալուստի խօսքից յետոյ, Նորին Սրբութիւնը փոխանցելով իր պատգամը՝ ճշտեց ժողովի ուղղութիւնն ու ընթացքը եւ բացուած յայտարարեց խորհրդաժողովը։ Վեհափառ Հայրապետը ընդգծեց Կիլիկիոյ Սուրբ Աթոռի հոգեւոր, մշակութային եւ ազգային առաքելութեան ծառայութիւնը՝ նշելով. «Այս ծառայութիւնը միշտ եղել է համապարփակ՝ բնականաբար հոգեւորը միշտ լինելով առաջնահերթ»։

Խօսելով քրիստոնէական դաստիարակութեան մասին՝ Վեհափառ Հայրապետը ասաց, որ քրիստոնէական դաստիարակութիւնը միայն եկեղեցու գործունէութեան երեսներից մէկը չէ, այլ նոյն ինքը եկեղեցին է քրիստոնէական դաստիարակութիւնը եւ լինելով միաժամանակ եկեղեցու առաքելութիւնը՝ Քրիստոսի Աւետարանի, Աստուծու մարդեղութեան եւ փրկագործական խորհուրդի վկայութիւնը։

Առ այդ, Հայրապետը անդրադարձաւ քրիստոնէական կազմաւորման լայն հասկացողութեան, որ չի սահմանափակւում միայն Սուրբ Գրոց սերտողութեան դասընթացքներով եւ կամ պատանիների կիրակնօրեայ վարժարաններ յաճախումով, այլ իր մէջ ընդգրկում է ներկայ պայմանների, մտայնութիւնների, ժամանակների եւ միջավայրերերի իւրայատկութիւնների համապատասխան լուծումները։ Նորին Սրբութիւնը շեշտելով հանդերձ բոլոր թեմերում քրիստոնէական դաստիարակութեան հասարակաց յայտարարի՝ որպէս սկզբունք գոյութիւնը, շեշտեց նաեւ արդի ժամանակների հետ համապատասխան լուծումների, միջոցների, ձեւերի եւ կերպերի անհրաժեշտութիւնը, բոլոր տարիքների համար. «Բնականաբար, հասարակաց յայտարարներ կան, այլապէս մենք մեր միութիւնը որպէս եկեղեցի կը կորցնենք, սակայն յատուկ ուշադրութիւն պէտք է դարձնել միջավայրի, սեռի, տարիքի եւ մեր մեթոտաբանութիւններին»։ Միաժամանակ, նա նշեց, որ Մեծի Տանն Կիլիկիոյ Կաթողիկոսութիւնը յատուկ հոգածութիւն է ցուցաբերել եւ շարունակում է հոգ տանել քրիստոնէական դաստիարակութեանը, որը հետզհետէ աւելի կը շեշտուի եւ կազմապերպչական բնոյթ կը ստանայ, որի համար էլ կազմակերպւել է սոյն խորհրդաժողովը։

Նշենք, որ յանձնաժողովի նպատակն է ծրագրել քրիստոնէական դաստիարակութիւնը ժողովրդին նոր մեթոդներով փոխանցելու միջոցներ՝ առանց տարիքի եւ սեռի խտրութեան, պատշաճեցնելով տւեալ երկրի միջավայրին եւ քննել ժամանակակից ընկերաբարոյական հարցերը։

Սոյն ժողովին Թեհրանի Հայոց Թեմից մասնակցութիւնն էր բերել Թեմիս Առաջնորդական օգնական, Յանձնաժողովի Ատենապետ՝ Գերշ. Տ. Մեղրիկ Եպս. Բարիքեանը եւ Քրիստոնէական դաստիրակութեան գրասենեակի պատասխանատու՝ վսեմափայլ Տկն. Շաքէ Եղիայեանը։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ