Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Համբարձման Տօնակատարութիւն

Մեր եկեղեցու տօնացոյցի համաձայն, թւականիս հինգշաբթի մայիսի 30-ը մեր Տիրոջ Յիսուս Քրիստոսի երկինք Համբարձման տօնն էր:

Այդ ուրախ առիթով Թեհրանի եկեղեցիներում հինգշաբթի առաւօտեան մատուցւեց Քրիստոսի երկինք համբարձման տօնի առիթով սուրբ պատարագ:

Համբարձումը քրիստոնէական կրօնը իմաստաւորող և արժևորող կարևորագոյն տօներից մէկնն է, ընդ որում պարփակւում են յաւիտենական կեանքի գերագոյն եւ անխորտակելի յոյսը, Քրիստոսի երկրորդ գալստեան երաշխիքն ու մարմինների յարութեան ու երկնքի արքայութիւն մուտք գործելու բացարձակ ճշմարտութիւնը և Քրիստոսի իր հաւատացեալներին տւած լիարժէք խոստումների մեկնարկը:

Համաձայն Ս. Աւետարաններին, Քրիստոս յարութիւն առնելուց յետոյ փառաւորեալ մարմնով քառասուն օրեր երկրի վրայ մնաց, բազմիցս երևաց իր աշակերտներին, նրանց մտքերը բացեց Հին Կտակարանի Օրէնքի և մարգարէութիւնների լոյսի տակ և ապա բոլորի աչքերի առաջ Ձիթենեաց լեռից ամպերի վրայ դէպի երկինք համբարձաւ և նստեց Հօր աջ կողմում:

Այդ առիթով Ս. Սարգիս Առաջնորդանիստ եկեղեցում արարողութեան նախագահեց և յաւուր պատշաճի քարոզեց՝ Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը: Սրբազան Հայրն իր քարոզի ընթացքին շեշտեց՝ «Համբարձումը Քրիստոսի երկրաւոր կեանքի աւարտը և նոր կեանքի ու յաւիտենականութեան շարունակականութիւնն է»: Ապա բացատրելով օրւայ շարականների մասին աւելացրեց՝ «Այսօրւայ շարականները, մեր մտածումները կենտրոնացնում են Քրիստոսի յաւիտենական կեանքի մասին, որի համար Ինքը երկնքից երկիր իջաւ, Իր առաքելութիւնը կատարելուց յետոյ կրկին երկինք է համբառնում, որովհետև երկինքն ինքն աղբիւրն է ամէն տեսակ բարիքի, կեանքի և օրհնութեան»:

Մի այլ բաժնում Սրբազան Հայրն ասաց՝ «Մենք էլ այժմ աղօթենք և Առաքեալների պէս մեր հայեացքները երկինք բարձրացնենք խնդրելով Իր մշտատև օրհնութիւնը և ակնկալելով Իր Հոգիի գալուստը մեզանից իւրաքանչիւրի կեանքի մէջ, որովհետև Ս. Հոգու գալուստով Քրիստոսի եկեղեցին վերածւում է այնպիսի ուժանիւթի, որ աշխարհում ոչ ոք չի կարողանայ Նրա առաջն առնել, որովհետև Նա հոգիով միացած է իր Փրկչին»: «Համբարձման տօնը սերտօրէն առընչւած է մեր ժողովրդի կեանքի հետ: Մեր ժողովուրդը Համբարձման տօնի օրերին, մեր գրականագէտների ներկայացրած ջանգիւլումներով և երգերով տօնում է և վերյիշում իր անցեալն ու պատմութիւնը»: «Համբարձման տօնը մեզ համար թէ կրօնական և թէ ազգային իւրայատուկ իմաստ և նշանակութիւն ունի» -աւարտեց Սրբազան Հայրը:

Պատարագի աւարտին բոլոր եկեղեցիների եկեղեցական խորհուրդները պատրաստել էին Համբարձման յատուկ հիւրասիրութեան սեղաններ, որոնք օրհնւելուց յետոյ հրամցւեցին եկեղեցիների բակում հաւաքւած ժողովուրդին:

Պատրաստւել էին նաև ջանգիւլումներ, որոնք մեծ խանդավառութեամբ կիրառւեցին համաձայն մեր ժողովրդական աւանդութեան:

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ