Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Յիսուս Քրիստոսի Համբարձման առիթով տօնակատարութիւն Ս. Գրիգոր Լուսաւորիչ եկեղեցում

Թւականիս մայիսի 30-ի երեկոյեան Ս. Գրիգոր Լուսաւորիչ եկեղեցում տեղի ունեցաւ իւրայատուկ մի միջոցառում նւիրւած Յիսուս Քրիստոսի հրաշափառ Համբարձման, որի նախաձեռնողն էր նոյն եկեղեցու Կիրակնօրեայ դպրոցը և Հայաստանեայց Առաքելական Ս. Եկեղեցւոյ Հոգևոր Եղբայրակցութիւնը:

Ծրագրին ներկայ էին Թ. Հ. Թ. առաջնորդական օգնական գերշ. Տ. Մեղրիկ Ս. Եպս. Բարիքեանը և հոծ թւով հաւատացեալ ժողովուրդ:

Ծրագիրը կազմւած էր երկու բաժիններից. առաջին բաժինը, որը տեղի ունեցաւ եկեղեցու մէջ և սկսւեց Տէրունական աղօթքով շարունակւեց օրւան համապատասխան Աւետարանական ընթերցումներով, հոգևոր երգերով ու աղօթքներով:

Այս բաժնում Մեղրիկ սրբազանը ազդեցիկ և տպաւորիչ ոճով ներկայացրեց Քրիստոսի Համբարձման շուրջ իր գեղեցիկ պատգամը, և հաւատաւոր ժողովրդին յորդորեց աղօթքով ու ապաշխարութեամբ աճելու հաւատքի կեանքի մէջ, ի մասնաւորի պատեհ առիթ համարեց այս խորհրդաւոր տասը օրերը (Համբարձումից մինչև Հոգեգալուստ) աղօթքին նւիրւելու և զօրանալու ու լիցքաւորւելու Սուրբ Հուգով: Ապա իր պատգամի ընթացքում մի յուզիչ վկայութիւն բերելով եզրակացրեց թէ ծնողները իրենց զաւակների փրկութեան հարցում՝ այն ժամանակ են կարող օգնել նրանց՝ երբ նախ իրե'նք ընդունած լինեն Տիրոջ փրկութիւնը:

Ծրագրի առաջին բաժինը աւարտւեց «Սուրբ խաչիւ» և «Պահպանիչ» աղօթքներով, որից յետոյ ժողովուրդը անցաւ եկեղեցու բակ շարունակելու ծրագրի երկրորդ բաժինը, որը կատարւեց զւարճալի և ուրախ մթնոլորտում: Աւանդական տարազ հագած երեխաների ներկայութիւնը աւելի էր հարստացնում տօնական այս մթնոլորտը:

Աստծու խօսքով և համբարձման խորհրդով զօրացած, համեստ հիւրասիրութիւնից յետոյ, հաւատաւոր ժողովուրդը թողեց եկեղեցին շատ ուրախ և գոհունակ սրտով:

Թ. Հ. Թ. Քռիստոնէական Դաստիարակութեան Յանձնախումբ

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com