Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԱՄԱՐԱՍ - ՅԻՇԱՏԱԿ ԵՂԻԱ ՄԱՐԳԱՐԷԻ

Ա. Տարի - Թիւ 25 - 16 Յունիս, 2019

ԸՆԹԵՐՑՈՒՄ ՂՈՒԿԱՍՈՒ ԱՒԵՏԱՐԱՆԻՑ (4.25-30)ԸՆԹԵՐՑՈՒՄ ՂՈՒԿԱՍՈՒ ԱՒԵՏԱՐԱՆԻՑ (4.25-30)

Օրինակներով ձեզ ասեմ. Եղիայի օրերին Իսրայէլում բազմաթիւ այրի կանայք կային, երբ երեքուկէս տարի երկնքից անձրեւ չտեղաց, եւ սաստիկ սով տիրեց ամբողջ երկրում: Բայց Եղիան նրանցից ոչ մէկի մօտ չուղարկւեց, այլ ուղարկւեց միայն Սիդոնին մօտիկ Սարեփթա գիւղում բնակւող մի այրի կնոջ մօտ: Նոյնպէս, Եղիսէ մարգարէի օրերին Իսրայէլում բազմաթիւ բորոտներ կային, բայց նրանցից ոչ մէկը չբժշկւեց, այլ` միայն Նէեման անունով մի ասորի:
Այս ակնարկութիւնները լսելով՝ ժողովարանում գտնւողները բարկութեամբ լցւեցին: Վեր կացան, Յիսուսին քաղաքից դուրս հանեցին եւ գահավէժ անելու նպատակով նրան տարան մինչեւ կատարն այն լեռան, որի վրայ կառուցւած էր իրենց քաղաքը: Բայց Յիսուսն անցաւ գնաց նրանց միջով:

ԱՅՍՕՐ ՅԻՇԱՏԱԿՆ Է ԵՂԻԱ ՄԱՐԳԱՐԷԻ

ԾԱՆՕԹԱՆԱՆՔ ՆՐԱՆ. Ո՞Վ ԷՐ ԵՂԻԱ ՄԱՐԳԱՐԷՆ

Հին Կտակարանեան Թագաւորների Գ. եւ Դ. գրքերում խօսւում է Եղիա Մարգարէի մասին, որպէս նախանձայոյզ, համարձակախօս եւ արդարադատ մի անձնաւորութիւն:
Նա ծնունդով Գաղաադի Թեզբէ գիւղից էր, Ահարոնի տոհմից:
Ապրել է Քրիստոսից առաջ 9-րդ դարում, Իսրայէլի Աքաաբ (ՔԱ 874-853 թ.) եւ Ոքոզիա (853-852 թ.) թագաւորների օրով:
Աքաաբը ամուսնանում է Սիդոնացիների (Լիբանանի հարաւ արեւմուտքը գտնւող քաղաք, այս օրերին ծանօթ ՙՍայդա՚ անունով) արքայ Յոբաղի դստեր՝ Յեզաբէլի հետ, որ կռապաշտ էր եւ իր հետ Սամարիա, թագաւորանիստ քաղաք է բերում 1000 քուրմ (Հեթանոս քահանայ):
Այդ օրերին, Աքաաբի եւ նրա կռապաշտ կնոջ սպառնալիքների պատճառով, իսրայէլցիները մոռացել էին իրենց ճշմարիտ Աստծուն: Եղիայի հրամանով երեքուկէս տարի Իսրայէլում երաշտ է լինում, բայց Եղիայի աղօթքով յորդառատ անձրեւ է գալիս: 
Աստծուն ճանաչելու եւ կռապաշտութիւնից հեռացնելու համար, Եղիան առաջարկում է Աքաաբին, նրա կռապաշտ կնոջը` Յեզաբէլին եւ քուրմերին, զոհ մատուցել առանց կրակ վառելու, եւ նրա աղօթքով որ զոհի կրակը վառի, նրա աստւածը կը լինի ճշմարիտը եւ պաշտելին: Եղիա մարգարէն, Կարմելոս Լեռան վրայ պարտութեան է մատնում Բահաղի քուրմերին, որովհետեւ Աստւածային հրաշքով Եղիայի խարոյկը վառւում է եւ զոհը` մատուցւում: Իսրայէլցիները տեսնելով հրաշքը, դարձի են գալիս եւ հեռանում են կռապաշտութիւնից, իսկ Աքաաբ Թագաւորի հրամանով սպանւում են քուրմերը:
Յեզաբէլ Թագուհին զայրանում եւ հալածում է Եղիային: Եղիան թաքնւում է մի վտակի մօտ` ամայի վայրում: Աստծու հրամանով ագռաւները ամէն առաւօտ եւ երեկոյ հաց ու միս էին տանում Եղիա մարգարէին, իսկ ծարաւը հագեցնում էր վտակի ջրով: 
Եղիան այն երջանիկ սրբերից մէկն է, որ տեսել է Աստծուն՝ զեփիւռի տեսքով: Աստւած Եղիային, Եղիսէյի աչքի առաջ, հրեղէն կառքով, տանում է երկինք: Եղիան բնական մահով չի մեռնում:

Եղիա մարգարէն իր կենդանութեան օրով եւ յետ մահու 14 հրաշքներ է գործել, որոնց մասին կարող էք կարդալ Թագաւորների Գ. եւ Դ. Գրքերում: ՙԱմարաս՚-ը ձեզ ներկայացնում է երկու հրաշքներ.- 

1.-Երբ Յեզաբէլ Թագուհին զայրանում եւ հալածում է Եղիային, նա գնում է Սարեփթա ու հասնում քաղաքի դարպասը. Աստւածաշունչը այսպէս շարունակումէ հրաշապատումը.-Մի կին այնտեղ փայտ էր հաւաքում: Եղիան ձայն տալով նրան` ասաց. - Ինձ համար ամանով մի քիչ ջուր բե՛ր, որ խմեմ: Կինը գնաց  բերելու: Եղիան նրա յետեւից ձայն տալով` ասաց. - Ինձ համար մի պատառ հաց բե՛ր: Կինն ասաց. - Կենդանի է քո Տէր Աստւածը. ես մի նկանակ էլ չունեմ, բացի սափորում եղած մի բուռ ալիւրից եւ կուժի մէջ եղած մի քիչ իւղից: Ահա մի երկու փայտի կտոր եմ հաւաքում, որ գնամ ու հաց պատրաստեմ ինձ եւ երեխաներիս համար. այն կուտենք ու յետոյ կը մեռնենք: Եղիան ասաց նրան. - Քաջալերւի՛ր, գնա՛ եւ արա՛ այնպէս, ինչպէս ասացիր, սակայն նախ ինձ համար մի փոքրիկ նկանակ պատրաստի՛ր ու բե՛ր եւ ապա պատրաստի՛ր քեզ ու երեխաներիդ համար: Այսպէս է ասում Իսրայէլի Տէր Աստւածը. ՙԱլիւրը չի պակասելու սափորում, եւ կուժի իւղը չի նւազելու մինչեւ այն օրը, երբ Տէրն անձրեւ կը տեղացնի երկրի վրայ՚: Կինը գնաց եւ արեց այնպէս, ինչպէս ասել էր Եղիան: Եղիան, կինն ու նրա որդիները կերան: Այդ օրւանից սափորում ալիւր չպակասեց, եւ կուժի մէջ իւղ չնւազեց, ինչպէս որ Եղիայի միջոցով ասել էր Տէրը: Այս դէպքերից յետոյ այնպէս պատահեց, որ տանտիկնոջ որդին հիւանդացաւ: Հիւանդութիւնն այնքան ծանր էր, որ տղայի մէջ շունչ չմնաց: Այրին ասաց Եղիային. - Ի՞նչ գործ ունես ինձ հետ, ո՛վ Աստծու մարդ, եկել ես ինձ մօտ, որ մեղքե՞րս յիշեցնես ու որդուս սպանես: Եղիան ասաց կնոջը. - Տո՛ւր ինձ քո որդուն: Նա երեխային վերցրեց նրա գրկից, տարաւ վերնատուն, ուր ինքն էր բնակւում, եւ պառկեցրեց նրան իր անկողնու վրայ: Եղիան աղաղակելով ասաց. - Ո՜վ Տէր, ահա տեսնում ես այս այրի կնոջը, որի մօտ ես բնակւում եմ: Դու չարչարեցիր նրա որդուն եւ մահ պատճառեցիր: Նա երեք անգամ փչեց մանկան վրայ եւ աղաղակեց Տիրոջն` ասելով. - Տէ՜ր իմ Աստւած, այս երեխայի շունչը իրե՛ն վերադարձրու: Այդպէս էլ եղաւ. նա աղաղակեց, Տէրը լսեց Եղիայի ձայնը, երեխայի շունչը վերադարձաւ նրա մարմնի մէջ ու նա կենդանացաւ: Եղիան առաւ մանկանը, վերնատնից տուն իջեցրեց նրան, տւեց իր մօրը` ասելով. - Տես, որ կենդանի է քո որդին՚: Կինն ասաց Եղիային. - Հիմա համոզւեցի, որ դու Աստծու մարդն ես, եւ Տիրոջ ճշմարիտ խօսքն է քո բերանում (Գ.Թգ 17.10-24): 

2.- Մի օր Եղիա մարգարէն եւ իր աշակերտ Եղիսէն քայլում էին. մի հրեղէն կառք ու հրեղէն երիվարներ երեւացին, նրանց միմ-եանցից բաժանեցին, եւ Եղիան պտտահողմի մէջ դէպի երկինք վերացաւ: Եղիսէն նայեց ու աղաղակեց. - Հա՜յր իմ, հա՜յր իմ, Իսրայէլի կառքը եւ նրա հեծեալը: Եւ այլեւս չտեսաւ նրան: Եղիսէն իր հագուստները բռնեց ու պատռելով երկու կէս արեց: Նա ձեռքն առաւ Եղիայի մորթէ վերարկուն, որ գցել էր իր վրայ (Դ.Թգ 2.11-12): 

Ո՞Վ ԷՐ ԵՂԻՍԷ ՄԱՐԳԱՐԷՆ


- Երբ խօսում ենք Եղիա Մարգարէի մասին պէտք է անդրադառնալ նաեւ Եղիսէ մարգարէին (Եղիսէ նշանակում է ՙԱստւած Փրկիչ է՚), որովհետեւ նա եղել է Եղիա մարգարէի աշակերտը, օգնականն ու յաջորդը: Եղիսէն խնդրում է իր ուսուցչին իրեն տալ Նրա հոգին, այսինքն` Եղիային տրւած զօրութեան կրկնակի չափը, արդ՝ երբ Եղիան կառքով բարձրանում է երկինք, նրա թիկնոցը ընկնում է ցած, եւ Եղիսէն այն վերցնում է իրեն, որով եւ իրականանում է նրա փափագը: Եղիան մենակեաց էր: Նրա կեանքը մշտական պայքարի մէջ է եղել, վհատութեան պահեր է ապրել` Աստծուց անգամ մահ խնդրելով: Իսկ Եղիսէն, ընդհակառակը, ապրել է մարդաշատ վայրերում, իր կեանքը յաղթանակների եւ յաջողութիւնների մի շարք է եղել: Սիրել է երաժշտութիւնը եւ յաճախ մարգարէանալու համար երաժշտութեան կարիքն է զգացել: Եղիսէն մարգարէացել է 6 իսրայէլցի թագաւորների օրօք 65 տարուց աւելի:

- Աստւածապարգեւ իմաստութեամբ եւ խորագիտութեամբ Նա օգնել է իր երկրի թշնամիների դէմ պայքարում: Արտաքին թշնամիներին Նա շահել է բարիքով եւ բարեկամութեամբ: Պէտք է ասել, որ Իր կեանքը պայքարից աւելի բարեկարգութիւնների եւ կազմակերպչական գործերով է անցել:  

- Եղիսէն Հին Կտակարանի այն մարգարէներից է, ով գործել է ամենամեծ թւով 28 հրաշքներ: Նրա գործած հրաշքներից են Նէեման Ասորիի բժշկութիւնը, Յորդանանի ջրերը բաժանելը, Երիքովի աղբիւրի ջուրը խմելու համար պիտանի դարձնելը, աղքատ այրուն քաղցից փրկելը` նրա ամանի միջի իւղն անպակաս դարձնելով, սամարացի կնոջ զաւակին յարութիւն տալը եւ այլն: Պատմւում է, որ Իր մահից յետոյ երբ Մովաբի կողոպտիչ զօրքը յարձակւում է Իսրայէլի վրայ, այդ օրերին, մի մարդու էին թաղում: Երբ թաղողները տեսնում են Մովաբի կողոպտիչ զօրքին, այդ մեռած մարդուն շտապ գցում են գերեզմանը: Մեռած մարդու դիակը Եղիսէի ոսկորներին դիպչելուն պէս հանգուցեալը կենդանանում է ու կանգնում ոտքերի վրայ:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com