Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԸՆԹԵՐՑՒԵՑ ՎԵՀԱՓԱՌ ՀԱՅՐԱՊԵՏԻ ՊԱՏԳԱՄԸ ` 2016 ՏԱՐԻՆ «ԾԱՌԱՅՈՒԹԵԱՆ ՏԱՐԻ» ՀՌՉԱԿԵԼՈՒ ԱՌԻԹՈՎ

Ուրբաթ 29 Յունւար 2016-ին մեր եկեղեցիներում, յընթացս Ս. եւ անմահ պատարագի հանդիսաւորապէս ընթերցւեց Ս. Աթոռիս Վեհափառ Հայրապետ Ն. Ս. Օ. Տ. Տ. Արամ Ա. Կաթողիկոսի հայրապետական պատգամը, որով Նորին Սրբութիւնը 2016 տարին հռչակում է «Ծառայութեան տարի»։

Ս. Սարգիս առաջնորդանիստ մայր եկեղեցում Վեհափառ Հայրապետին պատգամը հանդիսաւորապէս ընթերցեց թեմիս առաջնորդ Գերշ. Տ. Սեպուհ Ս. Արք. Սարգսեանը։

Վեհափառ Հայրապետը իր պատգամում նախ անդրադառնում է ծառայութեան գաղափարին, որ ըստ Վեհափառի այն ՛՛Իր խոր էութեամբ հաւատքի ու նւիրումի շօշափելի արտայայտութիւնն է, Աստծու եւ մեր նմանին հանդէպ ունեցած հաւատարմութեան ու սիրոյ գործնականացման՛՛։ Այնուհետ Վեհափառը վկայութիւններ է բերում Աստւածաշնչի հին եւ նոր կտակարանների հերոսների կեանքից, եկեղեցու հայրերի մտածումներից, որով նրանք մեկնաբանել են ծառայութիւն եզրը։

Վեհափառը իր խօսքի մի այլ բաժնում ծառայութիւնը բացատրում է որպէս կեանքի որակ, կեանքի ճանապարհ եւ կեանքի նպատակ, որոնցով հաւատացեալի կեանքը արժեւորւում, իմաստաւորւում։ Հետեւաբար ծառայութիւնը ամէն մի հաւատացեալի ե՛ւ փառքն ու պատիւը։

Իր պատգամի վերջին մասով Վեհափառը թելադրում է թեմակալ առաջնորդիերին, ազգային իշխանութիւններին եւ համայնքային բոլոր կառոյցներին անխտիր որ ՛՛լուսարձակի տակ բերեն ծառայութեան կենսական կարեւորութիւնը մեր կեանքում եւ զանազան ձեռնարկների միջոցով՝

- Գնահատելու համայնքին ծառայութիւն մատուցած ազգայիններին։

- Յիշեցնելու յատկապէս երիտասարդներին, ազգին ծառայելու հրամայականը՝ մեր հաւաքական կեանքի իրենց գործօն մասնակցութեամբ։

- Կոչ ուղղելու տարբեր կարողութիւններով ու հնարաւորութիւններով օժտւած մեր ազգայիններին որ օգտակար հանդիսանան համայնքի ծաղկեցման, եկեղեցու պայծառացման, հայրենիքի հզօրացման ու ազգային առաջադիմութեան նպաստող ծրագիրներին ու աշխատանքներին։ ՛՛

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ