«Կրօնների Տեսանկիւնից Պատժամիջոցը, միջոց ընդդէմ համաշխարհային խաղաղութեան» համագումար

Թւականիս 22 յուլիսի առաւօտան, Իսլամական Յարաբերութեանց եւ Մշակոյթի Կազմակերպութեան Զահրա աղօթքի դահլիճում կայացաւ, «Կրօնների Տեսանկիւնից Պատժամիջոցը, միջոց ընդդէմ համաշխարհային խաղաղութեան» վերնագրով համագումարը:

Համագումարին մասնակցել էին Իրանի Յեղափոխութեան Առաջնորդի խորհրդական՝ Այաթ․ Թասխիրին, Ներքին Գործոց նախարար՝ պրն․Ռահմանի Ֆազլին, Իսլամական Խորհրդարանի իսլամ եւ կրօնական համայնքների պատգամաւորներ՝ նրանց թւում Հայոց զոյգ պատգամաւորներ՝ պարոնայք Դիկտ․ Կարէն Խանլարեանը եւ ժորժիկ Աբրահամեանը եւ այլ քրիստոնէական համայնքների հոգեւոր հայրեր։

Թեմիս Բարեխնամ Առաջնորդ Տ․ Սեպուհ․ Ս․ արք․ Սարգսեանի կողմից դասախօսութեամբ հանդէս եկաւ Թ.Հ.Թ. Հանրային կապի հոգեւոր հարցերի պատասխանատու՝ արժ․ Տ․ Գրիգորիս․ քհնյ․ Ներսէսեանը, որը Սրբազան Հօր ողջոյնի խօսքը փոխանցելուց յետոյ անդադարձաւ նիւթին։

Քահանայ Հայրն իր խօսքերի ընթացքին, մարդկութեան պատմութեան ընթացքին կատարւած անպատիժ յանցագործութիւնները դատապարտելով, անդադարձաւ համաշխարհային խաղաղութիւնը խախտող տարբեր ազգերի դէմ գլոբալ իմպերեալիզմի կողմից ի գործ դրած պատժամիջոցների եւ դրանց նպատակին եւ հետեւանքներին։ Քահանայ հայրն իր խօսքը շարունակելով մատնանշեց պատմութեան ընթացքին գերուժերի կողմից Իրանի դէմ գործադրած դաւադրութիւնները, որոնց յաղթահարելով Իրանը կայուն է մնացել մինչեւ այսօր։