Սուրբ Հաղորդութիւն Ծերանոցներում

Հովանաւորութեամբ Թեմիս Բարեխնամ Առաջնորդ՝ Գերշ. Տ. Սեպուհ Արք. Սարգսեանի եւ Թեհրանի Հայոց Թեմի Կրօնական Խորհրդի Քրիստոնէական Դաստիարակութեան եւ Կարիքաւորների օժանդակութեան յանձնախմբերի նախաձեռնութեամբ, այս տարի եւս Ամանորի եւ Սուրբ Ծննդեան տօների առիթով, տեղի ունեցաւ այցելութիւն «Ռազի» եւ «Էհասն» հոգեբուժական կենտոններ նաև «Քահրիզաք», «Օմիդ», «Մեհր Է գոլ» եւ «Սուրբ Մարիամ» ծերանոց-անկելոցներում բնակւող հայ եւ քրիստոնեայ բնակիչներին:

Այս առիթով յանձնախմբերի ներկայացուցիչները, ընկերակցութեամբ Արժ. Տիարք Գրիգորիս եւ Արիստակէս Քահանայ հայրերի այցելեցին վերոյիշեալ կենտրոնների բնակիչներին: Այցելութիւնների ընթացքին Քրիստոնեայ բնակիչները Սուրբ Հաղորդութիւն ստացան, որից յետոյ Ձմեռպապի միջացով իւրաքանչիւրին տրւեց Տէրունի պատկերներ ու նւէրներ: Ապա տեղի ունեցաւ ընդունելութիւն:

Ազգային Առաջնորդարանի հանրային կապ