Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Սրբոց Վարդանանց եկեղեցու վերանորոգւած սրահի բացման հանդիսութիւն

2020 թւականի յունւարի 12-ին կիրակի երեկոյեան հովանաւարութեամբ Թեհրանի Հայոց Թեմի բարեխնամ Առաջնորդ Գերշ. Տէր Սեպուհ Արք. Սարգսեանի կատարւեց Սրբոց Վարդանանց եկեղեցու վերանորոգւած սրահի բացման հանդիսութիւնը:

Ձեռնարկին ներկայ էին՝ Թ.Հ.Թ. Թեմական խորհրդի, Պատգամաւորական ժողովի դիւանի, քոյր միութիւնների, եկեղեցու շրջանի Պատգամաւորների ներկայացուցիչները եւ մի շարք բարերարներ:

Սկզբում Թ. Հ. Թեմի առաջնորդ Տ. Սեպուհ արք. Սարգսեանի ձեռամբ կատարւեց սրահի բացումը, Սրբազան Հօրը ընկերակցում էր Իրանի Հայ Արհեստաւորների Միութեան նախագահը եւ միասնաբար կտրեցին սրահի բացման կարմիր ժապաւէնը:

Հիւրերի մուտք գործելուց անմիջապէս յետոյ Ջութակի կատարումով հանդէս եկաւ Դանիէլ Քէշիշ Դանիէլեանը ու ներկայացրեց «Կռունկ»-ը:

Հաղորդավար պրն. Հայրիկ Աղանեանը համառօտ զեկույց ներկայացրեց եկեղեցու խորհրդի գործունէութեան եւ սրահի վերանորոգման աշխատանքների մասին:

Հաղորդավարը եկեղեցու խորհրդի անունից շնորհակալութիւն յայտնեց՝ Թեմակալ առաջնորդին, Թ.Հ.Թ. Թեմական խորհուրդին, Ի. Հ. Արհեստաւորների միութեան, Վան-Վասպուրական պատմական հարցերի Կենտրոնին և բարերար տկն. Սեդա Կուկունեանին, որոնց աջակցութեան եւ ներդրման շնորհիւ իրականացւեց եւ գործադրւեց սրահի վերանորոգման նախագիծը նաեւ ընթերցւեց բոլոր նւիրատուների անւանացանկը, որոնք իրենց լուման էին բերել սրահի գոյքերի գնման գործընթացում:

Այնուհետեւ ջութակահար Դանիէլ Քէշիշ Դանիէլեանի կատարմամբ ներկայացւեց «Վիվալդի», օրդ. Նոռա Շահիջանեանը համերգ ունեցաւ «Աւէ Մարիա»-ով, օրդ. Մինէ Վարդանեանը ֆլէյտայով նւագէց Կոմիտասի «Շողեր»-ը և Բեթհովէնի ստեղծագործութիւններից:

Օրւայ առիթով՝ Սրբազան հայրը իր հայրական խօսքն ուղղեց ներկայներին եւ օրհնեց խորհրդի միջոցով պատրաստւած սեղանը ու բարերարների կողմից կատարւեց նւիրատւութիւններ:

Ծրագրի աւարտին Ս. Վարդանանց եկեղեցու խորհրդի քարտուղարուհի՝ տկն. Ալենուշ Բաղդասարեանը խորհրդի կողմից շնորհակալութեամբ արտայայտւեց, ազգայինների եւ բարերարների անվերապահ աջակցութիւնների համար:

Ազգային Առաջնորդարանի հանրային կապ

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com