2020 թւականի փետրւարի 12-ին չորեքշաբթի առաւօտեան, փակումը կատարւեց՝ «Արտակ Մանուկեան» թանգարանում կազմակերպւած Իրանահայ կանանց ձեռարւեստի ցուցահանդէսի: Շուրջ կէս ամիս տեւողութեամբ ցուցահանդէսին ցուցադրութեան դրւեցին իրանահայ կանանց ձեռագործ եւ ասեղնագործութիւն արւեստներից ցուցանմուշներ:
Միջոցառմանը ներկայ էին՝ Թեմիս Առաջնորդ Գերշ. Տ. Սեպուհ Ս. Արք. Սարգսեանը, Հայ կին և քոյր միութիւնների (Անահիտ, Անի, Արմենուհի միութիւն) վարչութիւնների ներկայացուցիչները եւ ցոյցի դրւած աշխատանքների հեղինակները։
Սրբազան Հայրը շրջելով ցուցասրահի տարածքը դիտեց բոլոր ձեռքի աշխատանքները, լսելով հեղինակների բացատրութիւնները իրենց աշխատանքների մասին:
Թեմակալ առաջնորը ողջունեց կատարած աշխատանքը, բարձր գնահատելով նմանատիպ աշխատանքների կազմակեպումը:
իւրայատուկ խանդավառութեամբ եւ մտերմիկ մթնոլորտում ընթացաւ ցուցահանդէսի փակման հանդիսութիւնը։
Ազգային Առաջնորդարանի Հանրային կապ
http://tehranprelacy.com/news-am/9-content-hy/news-hy/2895-2020021704?tmpl=component&print=1#sigProId21731f4654