Թ.Հ.Թ. Կրթական խորհրդի Մարզական յանձնախմբի նախաձեռնութեամբ 2020 թւականի փետրւարի 8-ից 10-ի ժամանակաշրջանում կազմակերպւեց և անցկացւեց Ֆուտբոլի մրցոյթներ միջնակարգ օղակի աշակերտների միջև:
Շաբաթ, փետրւարի 8-ին «Նայիրի-Սողոմոնեան» դպրոցի բակում տեղի ունեցաւ առաջին մրցութիւնը՝ «Նայիրի-Սողոմոնեան» և «Մարիամեան» դպրոցների միջև: Յաղթող թիմը պէտք էր մասնակցէր եզրափակիչ խաղին: Այդ խաղի արդիւնքում յաղթող ճանաչւեց «Մարիամեան» դպրոցի խումբը: Նոյն օրը՝ «Գոհար» դպրոցի բակում տեղի ունեցաւ «Գոհար» «Մարիամ» տղ. դպրոցների ֆուտբոլային հանդիպումը, արդիւնքում յաղթեցին «Գոհար» դպրոցի տղաները:
Փետրւարի 10-ին կայացաւ խաղերի եզրափակիչ փուլը «Մարիամ» տղ. դպրոցի բակում: Տեղի ունեցաւ երկու հանդիպում՝ «Նայիրի-Սողոմոնեան» և «Մարիամ» տղ., այնուհետև յաղթող թիմերի՝ «Գոհար» և «Մարիամեան» դպրոցների մրցման արդիւնքում առաջին պատւաւոր հորիզոնականը գրաււեցին «Մարիամեան» դպրոցի տղաները և նւաճեցին յաղթական գաւաթը և պարգևատրւեցին նւէրներով:
Մրցոյթների անցկացման հիմնական նպատակն էր՝ մատաղ սերնդի մէջ ստեղծել աշխուժութիւն և երեխաների մօտ ձևաւորել ֆիզիկական կուլտուրա, որն ուղղւած կը լինի նրանց առողջութեան ամրապնդմանն ու պահպանմանը: Մրցութիւնների աւարտին բոլոր մասնակից աշակերտները ստացան գնահատագրեր:
Ընթացիկ աշխատանքներում յանձնախմբին իրենց օժանդակութիւնը ցուցաբերցին օժանդակող անձինք, ներկայ էր նաև «Աւետիսեան» բուժարանից մէկ աշխատակից՝ անհրաժեշտութեան դէպքում աշակերտներին առաջին օգնութիւն ցոյց տալու նպատակով:
Բոլոր մրցոյթներին իր ներկայութիւնն է ունեցել Կրթական խորհրդից Խաչատուր Խաչատրեանը:
Մարզական յանձնախմբի անդամներն են՝ Հենրի Քսաչիքեանը, Լիւդվիգ Նազարեանը,Մելինէ Խոդաբախշեանը և Ռազմիկ Միրզախանեանը:
Յատուկ շնորհակալութիւն ենք յայտնում բոլոր օժանդակող անձանց, յանձնախմբի աշխատանքը սահուն ընթանալու գործում իրենց ցուցաբերած համագործակցութեան համար:
Թ.Հ.Թ. Կրթական խորհրդ
http://tehranprelacy.com/news-am/9-content-hy/news-hy/2916-2020022501?tmpl=component&print=1#sigProIddf1e7ae883