ՅԱՅՏԱՐԱՐՈՒԹԻՒՆ

Նկատի ունենալով երկրում տիրող համաճարակային ահաւոր իրավիճակը եւ կորոնավիրուսից վարակւածների ու մահւան աճի արձանագրումը, Թեմիս հաւատացեալ եւ բարեպաշտ զաւակների ուշադրութեանն ենք յանձնում, որ սոյն թւականի յուլիսի 9-ից սկսեալ կրկին անգամ մեր եկեղեցիներում մատուցւելիք Ս. եւ անմահ Պատարագները կանցկացւեն դռնփակ՝ առանց հաւատացեալների մասնակցութեան։

Հոգեհանգստեան արարողութիւններին կարող են մասնակցել միայն ննջեցեալների անմիջական հարազատները (5֊հոգուց ոչ աւել), անշուշտ նկատի առնելով առողջապահական բոլոր թելադրանքները (դիմակի եւ ձեռնոցի գործածութիւնը) արարողութեան ողջ ընթացքին։

Հարկ է նշել որ պսակադրութեան եւ մկրտութեան արարողութիւններին եւս պէտք է մասնակցել սահմանափակ թւով, հարազատները դարձեալ նկատի առնելով վերոնշեալ առողջապահական յորդորները։

Կոչ ենք անում միաժամանակ մեր ժողովրդի զաւակներին եւ յատկապէս մեր միութիւններին, որ խուսափեն ընկերային եւ համատեղ համահաւաքներից։

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
9 Յուլիս 2020 թ.