Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Թեմական խորհրդի ներկայացուցիչների այցը՝ Թեհրանի 6-րդ շրջանի քաղաքապետարան


Թեհրանի Հայոց Թեմի Թեմական խորհուրդը կարեւորելով տարբեր շրջանների Քաղաքապետարանների հետ երկկողմ յարաբերութիւնների ամրապնդումն ու առաւել ընդլայնումը, յաճախ կապ է հաստատում այն շրջանների պատասխանատունների հետ, որոնց սահմաներում են գտնւում՝ հայահոծ թաղամասերը, Թեմիս եկեղեցինները եւ թեմապատկան կալւածները:

Ըստ այդմ, կիրակի 26 յուլիս 2020 թ.-ին Թեհրանի 6-րդ շրջանի քաղաքապետարան այցելեցին՝ Թ.Հ.Թ. Թեմական խորհրդի ատենապետ՝ Նորայր Արամեանը, նոյն խորհրդի ատենադպիր՝ Վահէ Թարոյեանը, Առաջնորդարանի դիւանապետ՝ Զօրիկ Կարապետեանը եւ կտակա-կալւածային մարմնի անդամ՝ Ռենէ Փիազաքը:

Հիւրերին ընդունեցին՝ Թեհրանի քաղաքապետարանի 6-րդ շրջանի քաղաքապետ՝ դոկտ. Ֆարհադին եւ նոյն շրջանի Մշակութային բաժնի պետ՝ պրն. Սոբհանին:

Թեմական խորհրդի ատենապետ՝ Նորայր Արամեանը նախ շնորհակալութեամբ արտայայտւեց ընդունելութեան եւ քաղաքապետարանի սերտ յարաբերութիւնների կապակցութեամբ: Այնուհետեւ ատենապետը համապարփակ բացատրութիւններ փոխանցեց կառոյցի հարցերի եւ խնդիրների վերաբերեալ:

Թեհրանի քաղաքապետարանի 6-րդ շրջանի քաղաքապետ՝ դոկտ. Ֆարհադին տարբեր առիթներով այցելել է Ազգային առաջնորդարան եւ լաւատեղեակ է համայնքում կատարւող աշխատանքներից, նա տարիներ բնակւել է հայահոծ թաղամասերում եւ բարիացակամ մօտեցում ունի հայերի նկատմամբ:
Հանդիպման ընթացքում խօսւել է քաղաքապետարանին կապւող հարցերի շուրջ, ճրտգ. Նորայր Արամեանը առիթը պատեհ համարելով օժանդակութեան դիմում է ներկայացրել թեմապատկան Սանայի-Մոթահարի պողոտաում գտնւող «Գաբրիէլեան» անւամբ շէնքի նախագծի շինարարական արտօնութիւնը վաւերացնելու ինչպէս նաեւ քարտէզի եւ պլանի ձեւակերպման հաստատումը ստանալու կապակցութեամբ:

Քաղաքապետն իր հերթին խոստացել է՝ արտօնագրի հաստատման գործընթացն սահուն ընթանալու առընչութեամբ, պատկան մարմինների եւ պատասխանատունների հետ հարկ եղած համադրումները կատարել:

Հանդիպման աւարտին կողմերը յաջողութիւն մաղթելով միմեանց, յոյս յայտնեցին շարունական լինեն երկկողմ փոխհամագործակցութիւնները:

Ազգային Առաջնորդարանի հանրութեան հետ կապ

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com