Այսօր՝ 2 սեպտեմբեր 2021, Արցախի անկախութեան տարեդարձն է. դժբախտաբար Արցախը առաջին անգամ լինելով, յուզումնախառն ապրումներում նշում է իր անկախութեան տարեդարձը: Մայր հայրենիքն էլ կարծես երես է դարձրել Արցախից, բայց մեր ժողովուրդը, իր խիզախութեամբ եւ անօրինակ քաջութեամբ կերտեց ու շարունակում է կերտել իր անկախութիւնը, ամբողջական Ղարաբաղի եւ ամբողջական Հայաստանի տեսիլքով:

Ժողովուրդների կեանքում դառն իրադարձութիւններ մնայուն չեն լինելու. մենք հաւատացած ենք, որ վերջին 30 տարիների ընթացքին հայ զինւորին ու մանաւանդ արցախցու թափած արիւնը պիտի վերընձիւղւի ծնունդ տալով նոր հերոսների, որոնք պիտի շարունակեն իրենց կեանքի գոյապայքարը յանուն Արցախ աշխարհի:

Աղօթում ենք, մեր նահատակների հոգիների խաղաղութեան եւ նրանց ծնողների՝ հայրերի, մայրերի եւ հարազատների մխիթարութեան համար:
Չմոռանանք, որ Արցախը բանաստեղծի բառերով, «Մօր կաչն է, կանչն է նաեւ հայրենիքի եւ այդ կանչը արձագանգելու է իւրաքանչիւր հայի հոգում այնքան ժամանակ, որ Ղարաբաղի մեծ մասը մնում է թշնամու լծի ներքոյ»:
Սեպտեմբեր 2-ի անկախութեան առիթով շնորհաւորում ենք արցախցի մեր հարազատներին եւ աղօթում, որ յաջորդ անկախութեան տարեդարձը տօնենք աւելի խաղաղ պայմաններում:
Փառք մեր նահատակներին, փառք ու պատիւ արցախի մեր ժողովրդին եւ ողջ հայութեան, որ միշտ զօրավիգ է կանգնում հերոսական Արցախին:
Անկախութեան տարեդարձդ շնորհաւոր աննման Արցախ:

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ
2.9.2021