ՆՈՐՈՒԶԵԱՆ ՇՆՈՐՀԱՒՈՐՈՒԹԻՒՆՆԵՐ

Գարնան ծաղկումին, փթթազարդումի հետ գալիս է Նորուզը, նոր տարին նոր յոյսերով, երազներով։ Նորուզեան այս օրհնաբեր եւ ուրախարար տօնի առիթով քրիստոնէական ջերմ սիրով ողջունում ենք իրանցի մեր եղբայրներին, քոյրերին, շնորհաւորում ենք ամէն մէկին, որտեղ որ լինի, տնում թէ գործատեղիում, սահմանում թէ դաշտում եւ բոլորին ի սրտէ մաղթում երջանկաբեր խաղաղ կեանք լի աստւածային օրհնութեամբ։

Բոլորս ուրախ ենք ու հպարտ իրանեան գերազանցապէս յաջող դիւանագիտութեամբ ձեռք բերւած միջազգային վարկին ու հեղինակութեան համար։ Տօնական այս օրերին աղօթում ենք Իրանի Իսլամական Հանրապետութեան հոգեւոր առաջնորդ Այաթոլահ Ալի Խամենէի, հանրապետութեան վսեմաշուք նախագահ Հոջաթոլիսլամ վալմոսլեմին դկտ. Հասան Ռոհանու եւ իրենց բոլոր գործակիցներին եւ յատկապէս մեր երկրի արթուն եւ քաջարի բանակին որ պահում ու պահպանում է երկիրն ու հսկում ժողովրդի անդոր ու խաղաղ կեանքին։ 

Շնորհաւոր Նորուզ եւ խաղաղութիւն ու առաւել բարգաւաճում իրանեան մեր հայրենիքին։ 

 

ԱՂՕԹԱՐԱՐ՝ 

ՍԵՊՈՒՀ ԱՐՔ. ՍԱՐԳՍԵԱՆ

ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ