ԶՕՐԱԿՑՈՒԹԻՒՆ ԻՐԱՆԻՆ

Իրանի ազնիւ ժողովուրդը յաճախ բախւել է արտաքին եւ ներքին դաւադրութիւնների, որոնցից ամենաչարը ահաբեկչական գործողութիւններն են, որոնք խլել են բազմաթիւ զոհեր եւ նահատակներ։ Բայց քանի որ ազգի հաստատուն կամքը, հիմնւած է անկախութեան, հայրենիքի յանձնառութեան, ազատութեան եւ կրօնական հաւատքի վրայ, առյաւէտ կայուն պիտի մնայ։

Վերջին երկու տասնամեակներում ահաբեկչութիւնը դարձել է սանձարձակութեան խորհրդանիշ եւ տարածաշրջանային բարդութիւնների, բողոքների եւ սոցիալական մտահոգությունների չարաշահումով դարձել է մարդկային եւ խաղաղ երկրների ներառեալ Իրանի կեանքը խանգարող միջոց։

Կոյր ու նողկալի ահաբեկիչը, հետեւելով մոլորեալ ու հակամարդկային ուսուցումներից վարակւած ու շփոթւած՝ նախապաշարումներով բռնւած չի ողորմում անգամ անմեղ հաւատացեալ երեխաների, կանանց ու տղամարդկանց, եւ սրտաբեկ ժողովրդին, ովքեր իրենց մենութեան մէջ Աստծուն աղօթելիս իրենց արեան մէջ ննջեցին։ Մի նոխկալի եւ արիւնոտ ոճրագործութիւն, որը կատարւեց չորեքշաբթի օրը 4 աբանին, Շիրազի Շահչերաղ սրբատեղում։ Այս անմարդկային արարքը թիրախաւորել է ազգն ու Իրանի ինքնիշխանութիւնը, կրօնը, հոգեւոր եղբայրութիւնը եւ ազգային միասնութիւնը։

Մենք՝ որպէս Թեհրանի եւ Հիւսիսային Թեմի հոգեւոր առաջնորդ, մեր եւ մեր ժողովրդի կողմից, խստօրէն դատապարտում ենք այս անմարդկային յանցագործութիւնը եւ աղօթում միաժամանակ, որ Աստւած անսասան պահէ մեր սիրելի Իրանը իր ողջ ժողովրդով եւ ոճրային արարքին զոհ գնացած մեր նահատակների հոգին խաղաղութեան մէջ պահէ եւ իրենց ընտանիքներին ու հարազատներին պարգեւի մխիթարութիւն եւ անվտանգ կեանք։
Այս տխուր առիթով մեր խորին ցաւակցութիւնն ենք յայտնում Իրանի մեծ ժողովրդին, զոհերի ընտանիքներին եւ Աստծուց խաղաղութիւն հայցում մեր սիրելի Իրանին։

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ