Չորեքշաբթի, թւականիս փետրւարի 15-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Հ.Մ. «Արարատ» կազմակերպութեան Սկաուտական Միութեան սկաուտ ներկայացուցիչներին, որոնց ընկերակցում էր Հ.Մ. «Արարատ» կազմակերպութեան կենտրոնական վարչութեան ներկայացուցիչ՝ տկն. Սոֆի Ջաղարբէգեանը:
Միութեան ներկայացուցիչները եկել էին Սրբազան Հօրը հրաւիրելու Տարեկան երդման արարողութեան, որը տեղի է ունենալու թւականիս մարտի 3-ին:
Սրբազան Հայրը մեծապէս գնահատելով ընդգծեց, որ Սկաուտ ղեկավարը յատուկ կոչում ունի մեր երիտասարդ սերնդին Ազգային ոգով դաստիարակելու գործում, որին հարկ է կառչած եւ հաւատարիմ մնալ:
Ազգային Առաջնորդարանի Հանրային կապ