Խոր ցաւով լսեցինք Շիրազ քաղաքի մզկիթներից մէկում տեղի ունեցած ահաբեկչական այն արարքի մասին, որին զոհ գնացին երկու անմեղ քաղաքացիներ: Ահաբեկչական այս արարքի հետեւանքով եղան նաեւ վիրաւորներ:
Մենք բուռն կերպով դատապարտում ենք ահաբեկչական, անմարդկային այս արարքը, որը միտում էր խաղաղ բնակչութեան կեանքը խանգարել: Այս առիթով ցաւակցում ենք զոհերի ընտանեկան պարագաներին եւ վիրաւորեալներին էլ ցանկանում ենք շուտափոյթ ապաքինում, եւ մեր սիրելի Իրանին էլ առաւել զարգացում եւ խաղաղութիւն:
Վշտակցում ենք հոգեւոր առաջնորդ եւ Յեղափոխութեան ռահվիրայ Այաթոլլահ Խամենէին, Հանրապետութեան նախագահին եւ պատկան այրերին աղօթելով, որ Աստւած խաղաղութիւն պարգեւի Իրանին եւ իր ազնիւ ժողովրդին:
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ