Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԿՈՉ ԶԳԱՍՏՈՒԹԵԱՆ ԵՒ ԳԻՏԱԿՑՈՒԹԵԱՆ

Այսօրւայ աշխարհի  ամէն մի ժողովուրդ ունի իր ազգային եւ կրօնական արժէքներն ու հաւատալիքները:  Խաղաղ ու ներդաշնակ գոյակցութեան երաշխիքներից մէկն է փոխադարձ յարգանք ու սէր ունենալն է միմեանց նկատմամբ: Աստւածաշունչը մեզ յուշում է, որ բոլորս Աստծու զաւակներն ենք եւ հետեւաբար կոչւած ենք Աստծու բարիքները միասնաբար վայելել:

Որեւէ մի անհատ իր կրօնի իւրայատկութիւնը պիտի չտեսնի այլ կրօնի վարկաբեկման մէջ, ընդհակառակը փոխադարձ սիրոյ եւ յարգանքի ապրումներով պիտի մօտենան միմեանց:

Իւրաքանչիւր կրօն ունի իր սրբութիւնները, հաւատքի հերոսներն ու նւիրեալները եւ բնականաբար դրանք տւեալ կրօնի հետեւորդների համար խիստ յարգելի նւիրականութիւններ են: Ճիշտ չէ, որ մի կրօնի սրբութիւնը կամ հերոսը, նահատակը, այլ կերպարանքով ներկայացւի այն աստիճան որ մի այլ կրօնի հետեւորդների մօտ զգայնութիւններ յառաջանան:

Իրանեան մեր հայրենիքում եւ մեր Շիի հայրենակիցների կրօնական բարեպաշտութեան մէջ Մուհարրամ ամիսը եւ նրա հետ կապւած Իմամ Հուսէյնի նահատակութիւնը բացառիկ տեղ եւ յարգանք ունի: Մեր ակնկալութիւնն ու սպասումը այն է, որ մեր իրանցի եղբայրները իրենց կրօնական-բարեպաշտական զգացումներն ու ապրումները կենտրոնացնեն իրենց հոգեւոր կրօնական արժէքների վրայ առանց վիրաւորելու իրենց քրիստոնեայ հայրենակիցների կրօնական զգացումները եւ միւս կողմից էլ մեր հայրենակիցներից ակնկալում ենք զգաստութիւն եւ հաւասարակշռւած վերաբերմունք մեր իսլամ հայրենակիցների կրօնական զգացումների նկատմամբ:

Այս առիթով մեր կոչը մեր ժողովրդի զաւակներին այն է, որ յանձնառու հաւատարմութեամբ կառչած մնան իրենց հոգեւոր եւ կրօնական հաւատալիքների եւ արժէքներին եւ խուսափեն ընդհանրապէս լրատւական եւ լսատեսողական լրատւամիցոջներին առջեւ արտայայտւել կրօնական այնպիսի նիւթերի շուրջ որոնց էութեան անտեղեակ են:

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

 

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ