16-րդ շրջանի պատգամաւորական ժողովի ընտրութիւնների կենտորնական յանձանախումբը թւականիս սեպտեմբերի 26-ի երեկոյեան, ազգային առաջնորդարանի դահլիճում, հանդիպում կազմակերպեց հինգ քաղաքամասերի ենթայանձնախմբերի հետ:
Հանդիպման ներկայ էին՝ Կենտրոնի (Ս. Սարգիս Եկեղեցու շրջանի), Ս. Աստւածածին եկեղեցու շրջանի, Սասուն, Զէյթուն և Սարդարապատ քաղաքամասերից:
Կենտրոնական յանձնախմբի ատենապետ՝ պրն. Համլետ Խալոյեանը ողջունելով ներկաներին, շնորհակալութիւն յայտնեց, որ ընդառաջել են յանձնախմբի հրաւէրը և մասնակցել ժողովին: Նա բարձր կարևորեց 16-րդ շրջանի պատգամաւորական ժողովը և ընտրապայքարին կապւող տարւելիք աշխատանքը և պատգամաւորների ընտրութիւնը այս շրջանում: Ինչպէս անցեալի, այս ժողովը պիտի նպաստի համայնքիս կեանքում իր դրական դերը: Լայն բացատրութիւններ տրւեց պատգմաւոր թեկնածուների մասին, ինչու չէ նաև իրաւունք ունեցող ազգայինների, ըստ Թեմական Խորհրդի կանոնագրութեան:
Կենտրոանական յանձնախմբի անդամ և նիւթականի պատասխանատու՝ պրն. Հարմիկ Սարգսեանը ներկայացրեց այս շրջանի կայքէյջի հասցէն, թէ ինչպէս թեկանծուները կարող են գրանցւել ու լրացնել հարցաթերթիկները: Նոյնպէս յանձնախմբի անդամ՝ Գէորգ Իսրայէլեանը ներկայացրեց քւէարկութեան օրւայ կարևորութիւնը, որը պահանջում է ծանր աշխատանք, հսկելու քւէատուփերը, կանոնաւոր կերպով հսկելու օրւայ ընթացքը և որոնց համար էլ նշանակւելու են յանձնախմբեր:
Միատեղ հանդիպման ընթացքում եղան մի շարք հարցեր, որոնց պատասխանեցին կենտրոնական յանձնախմբի անդամները:
