Search
Կապ մեզ հետ
خیابان استاد نجات الهی، شماره 295
تهران 1598873311
No.295, Ostad Nejatollahi Ave.,
Tehran - IRAN
Tel: (+98-21) 88901634, 88901635,
88901636, 88897980, 88897981
Fax: (+98-21) 88892617
Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com
Առաջնորդ Սրբազանն ընդունեց 18 Գերմանացի Տուրիստներ
Երեքշաբթի, հոկտեմբերի 27-ի կէսօրին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը, առաջնորդարանի դահլիճում ընդունեց 18 գերմանացի թուրիստներ:
Խումբը ղեկավարում էր՝ հոգևորական, վերապատւելի Հէլմութ Ֆալքէնսթոֆերը:
Ողջոյնի և բարեգալստեան խօսքից յետոյ, Սրբազան Հայրը նախ համառոտ բացատրութիւններ տւեց Իրանահայութեան երեք թեմերի դրւածքի վերաբերեալ, ապա աւելի մանրամասնօրէն բացատրեց Թեհրանի Հայոց Թեմի և ընդհանրապէս հայերի Իրանում ունեցած իրաւունքների մասին: Նաև բացատրութիւններ տւեց հայ եկեղեցիների, ազգային դպրոցների, միութիւնների, թերթերի և ընդհանրապէս բոլոր ազգային աշխատանքների մասին:
Սրբազան Հայրն իր խօսքերի մէջ արտայայտւեց՝ «կրօնական մշակոյթը իրանում գալիս է պատմութիւնից, կրօնական փոքրամասնութիւններն այստեղ ունեն իրենց իրաւունքները: Մենք հայերս, լինելով քրիստոնեայ փոքրամասնութիւն այս երկրում, ևս ունենք մեր եկեղեցիները, կրօնական և ազգային արարողութիւնները, մեր դպրոցները և մեր պատգամաւորները խորհրդարանում և սրանք միայն այն պատճառով են, որ Իրանի Իսլամական Հանրապետութեան կողմից, կրօնական փոքրամասնութիւններին տրւել են այս իրաւունքները»:
Վերջում, ներկաները տարբեր բնոյթի հարցեր ուղղեցին Թեմիս Առաջնորդին, որոնց սպառիչ պատասխաններ տւեց Սրբազան Հայրը:
Այցելութեան վերջում գերմանացի հիւրերը շնորհակալութիւն յայտնելով ջերմ ընդունելութեան համար, այցելեցին առաջնորդանիստ Ս. Սարգիս եկեղեցի, ապա թողեցին առաջնորդարանի շրջափակը:
بخش فارسی
Հայկական անձնանուններ
Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը: