Արցախեան 45-օրեայ պատերազմի հանգուցալուծման կապակցութեամբ, թւականիս նոյեմբերի 10-ին ստորագրւած սահմռկեցուցիչ համաձայնագիրը ցնցեց բոլորիս հոգին։
Համաձայնագիր, որը գաղտնի բանակցութիւնների արդիւնքում, միանձնեայ պատասխանատւութեամբ, առանց ազգային, եկեղեցական եւ քաղաքական գործիչների նաեւ հասարակութեան տեղեկացնելու, դրոշմւեց ՀՀ վարչապետ Նիկոլ Փաշինեանի ստորագրութեամբ՝ թշնամուն սկուտեղի վրայ յանձնելով 30 տարիների ընթացքում մեր հայորդիների արեան գնով ազատագրւած հազարամեայ պապենական հողերը եւ ընդունելով թշնամու բոլոր նւաստացուցիչ պայմանները, որից կարեւորագոյնը կարելի է համարել Թուրքիայի եւ Ադրբեջանի տարիների նպատակը՝ Ադրբեջանի Հանրապետութեան արեւմտեան շրջանների եւ Նախիջեւանի ինքնավար Հանրապետութեան միջեւ երկու ուղղութիւններով կապ հաստատելու հնարաւորութիւնը, որի համար բացւելու են Հայաստանի հարաւային դարպասները։
Շաբաթ նոյեմբերի 7-ին՝ Ղոմում տեղի ունեցաւ «Յարգանք այլ կրօնների նկատմամբ եւ խօսքի ազատութիւն» խորագրով հեռավար առցանց լրատւական նիստը։ Այս նիստը գումարւել էր ի պատասխան իսլամի մարգարէ Մոհամադի հասցէին հնչեցւած անարգանքի, որն ուղիղ եթերով սփռւեց մի շարք առցանց հեռուստակայաններից։
Նիստին իր մասնակցութիւնն էր բերել Թեմիս Բարեխնամ Առաջնորդ՝ Գերշ. Տ. Սեպուհ Ս. Արք. Սարգսեանը «Կոչ խաղաղութեան եւ դատապարտութեան» խորագրով դասախօսութեամբ։
Մուհամէտ մարգարէի ծննդեան տօնի առիթով շնորհաւորում ենք Իսլամական աշխահի մեր եղբայրներին ու քոյրերին եւ յատկապէս իրանի Իսլամական հանրապետութեան քաղաքացի մեր եղբայրներին ու քոյրերին ու երկրի հոգեւոր ու աշխարհիկ ղեկավարութեան եւ բոլորին մաղթում առողջութիւն, յաջողութիւն եւ երկար կեանք։
Կրօնների հիմնադիրները իրենց ուսուցումներով մարդկութեան առաջնորդներն ու լուսաւոր ճանապարհ ցոյց տւողներն են եւ մարդկութիւնը պարտի միշտ յարգալից վերաբերմունք ունենայ նրանց նկատմամբ։ Ոչ միայն այդքան այլ կրօնների նւիրական սրբութիւններն ու նշանները նոյնքան պէտք է զերծ պահւեն անարգական արտայայտութիւններից, արարքներից։
Ուրբաթ, հոկտեմբերի 30-ին, երեկոյեան Արեւելեան Ասորի եկեղեցու յատուկ հրաւէրով Ս. Գէորգիս առաջնորդանիստ եկեղեցում տեղի ունեցաւ մամլոյ ասուլիս Կրօնական սրբութիւնների նկատմամբ անարգալից վերաբերմունքը դատապարտելու նպատակով:
Այս ասուլիսին ներկայ էին՝ ասորի, քաղդէական կաթոլիկ եկեղեցու ներկայացուցիչ՝ Հայր Վանիա Սարգիսը, Ասորի Աւետարանական հոգեւոր հովիւ՝ Նինուս Մողադասնիան, հրեայ համայնքի հոգեւոր հովիւ՝ Հախամ Համամի Լալեզարը եւ Իսլամական մշակոյթի ու քարոզչութեան փոքրամասնութիւնների պատասխանատու՝ Ալիփուրը եւ հիւրընկալ Մար-Ներսէյ Բենիամին արքեպիսկոպոսը: Հանդիպմանը Թեհրանի հայոց թեմի առաջնորդ Տ. Սեպուհ արք. Սարգսեանի կողմից ներկայ էր Տ. Գրիգորիս քհնյ. Ներսիսեանը։
Աշխարհի կրօնները եւ յատկապէս Միաստւածեանները ռահվիրաններ են խաղաղութեան, սիրոյ, համերաշխութեան եւ համատեղ կեցութեան: Քրիստոնէութիւնը ըստ էութեան սիրոյ կրօնն է: Նոյնն է նաեւ իսլամութիւնը, որի անունը ցուցանիշ է խաղաղութեան:
Դժբախտաբար աշխարհը, մարդիկը խռովութիւնը եւ սպանութիւնը նախընտրում են սիրուց եւ խաղաղութիւնից: Սրա գլխաւոր պատճառը աշխարհը կրօնից եւ Աստծուց հեռացումն է: Համաշխարհայնացած եւրոպան կարծէք (խօսքի ազատութիւն) լոզունքի տակ ինքն իրեն իրաւունք է վերապահել անյարգելու կրօնն ու կրօնական ճշմարտութիւնները այլ եւ ճշմատութեան առաքեալները:
Նկատի առնելով երկրում տիրող կորոնավիրուս համաճարակի պատճառով գոյացած առողջապահական ճգնաժամային իրավիճակը եւ վիրուսի տարածման նոր թափը, ինչպէս նաեւ համայնքիս մէջ վերջին օրերի ընթացքում արձանագրւած մահացութեան եւ վարակւածների թւի աճը, կրկին անգամ կոչ ենք ուղղում մեր հայրենակիցների առաւել քան երբեւէ զգօն լինել եւ ուշիուշով հետեւել երկրի Առողջապահութեան նախարարութեան միջոցով հաղորդւող յորդորներին։
Կիրակի՝ հոկտեմբերի 25-ին Գիւտ Սուրբ Խաչի տօնին, Թեմիս Բարեխնամ Առաջնորդ՝ Գերշ․ Տ․ Սեպուհ Ս․ Արք․ Սարգսեանի նախագահութեամբ՝ եւ Կրօնական խորհրդի կազմակերպութեամբ, Թեհրանի բոլոր եկեղեցիներում տեղի ունեցաւ «ՍՈՒՐԲ ԵՒ ԱՆՄԱՀ ՊԱՏԱՐԱԳ ԵՒ ՅԱՏՈՒԿ ԱՂՕԹՔ ՀԱՅԱՍՏԱՆԻ ԵՒ ԱՐՑԱԽԻ ԽԱՂԱՂՈՒԹԵԱՆ, ԵՒ ՀԱՅՐԵՆԻՔԻ ՊԱՇՏՊԱՆՈՒԹԵԱՆ ՀԱՄԱՐ ԶՈՀՒԱԾՆԵՐԻ ՀՈԳԻՆԵՐԻ ՀԱՆԳՍՏԵԱՆ ՀԱՄԱՐ ՀՈԳԵՀԱՆԳՍԻ ԱՐԱՐՈՂՈՐԹԻՒՆ»։
Այս առիթով Առաջնորդ Սրբազան Հայրը իր հայրական պատգամն ուղղեց իրանահայութեանը, որը ամբողջութեամբ կը ներկայացնենք ստորեւ։
Շաբաթ 24 հոկտեմբեր 2020 երեկոյեան ժամը 16։30 -17։30 եւ կիրակի 25 հոկտեմբերի առաւօտեան ժամը 9։00-երեկոյեան 16:00 Թեհրանի մեր ծխական եկեղեցիներում կազմակերպութեամբ Թ.Հ.Թ. Կրօնական խորհրդի եւ Նախագահութեամբ Թեմիս Բարեխնամ Առաջնորդ Տ. Սեպուհ Ս. Արք. Սարգսեանի տեղի ունեցան կրօնական արարողութիւններ (կիրակնամուտի ժամերգութիւն եւ Ս․ Պատարագ) եւ երիտասարդական մոմավառութիւն վասն խաղաղութեան եւ հայ նահատակների հոգիների հանգստեան համար։
Այսու յայտնում ենք մեր ժողովրդի սիրելի զաւակներին, որ յառաջիկայ շաբաթ 24 հոկտեմբեր 2020 երեկոյեան ժամը 16։30 -17։30 եւ կիրակի 25 հոկտեմբերի առաւօտեան ժամը 9։00-երեկոյեան 16:00 Թեհրանի մեր ծխական եկեղեցիներում տեղի է ունենալու կրօնական արարողութիւններ (կիրակնամուտի ժամերգութիւն եւ Ս․ Պատարագ) եւ երիտասարդական մոմավառութիւն վասն խաղաղութեան եւ հայ նահատակների հոգիների հանգստեան համար, իսկ կիրակի 25 հոկտեմբերի առաւօտեան յաւարտ Ս․ եւ Անմահ Պատարագի տեղի է ունենալու հոգեհանգստեան յատուկ արարողութիւն հայ նահատակների եւ պատերազմի զոհ գնացած անմեղ քաղաքացիների հոգիների խաղաղութեան համար ինչպէս նաեւ Արցախ - Ադրբեջան, Թուրքիա պատերազմի դադարեցման ի խնդիր։
Թւականիս 21 Հոկտեմբերին, Ազգային առաջնորդարանի դահլիճում Թեմիս Բարեխնամ Առաջնորդ՝ Տ․ Սեպուհ Ս․ Արք․ Սարգսեանի նախագահութեամբ, կրօնական խորհուրդի եւ քահանայից դասի մասնակցութեամբ՝ հոգեւորականների առաւել եւս աչալուրջ կերպով հոգեւոր ծառայութիւնների մատուցման եւ Արցախում ու Հայաստանում տեղի ունեցող հակաահաբեկչական պատերազին եւ հայ ժողովրդին եւ հայ զինւորին զօրավիգ հանդիսանալու համար տեղի ունեցաւ խոհրդակցական ժողով-հանդիպում։