Թւականիս 28 յուլիսին՝ երեքշաբթի առաւօտեան Ազգային Առաջնորդարանի դահլիճում, միջկրօնական յարաբերութիւնների բնագաւառում, միատեղ համագործակցութեան ընդլայման նպատակով, տեղի ունեցաւ հանդիպում, «Մոջիր» մշակութային եւ քարոզչական միութեան Նախագահ՝ Հոջթ․ Համէդ Սամի Անարսթանիի եւ ընկերկցող պատւիրակութեան եւ Թեմիս Բարեխնամ Առաջնորդ՝ Տ․ Սեպուհ․ Ս․ Արք․ Սարգսեանի կողմից նշանակւած ներկայացուցիչներ՝ Արժ․ Տիարք՝ Գրիգորիս Քահանայ Ներսէսեանսի եւ Արիստակէս Քահանայ Շահմիրեանի միջեւ։
Սիրելի հայրենակիցներ՝
Երկրում տիրող կորոնավիրուս համաճարակի պատճառով գոյացած առողջապահական ճգնաժամային իրավիճակի եւ թեհրանահայ համայնքի առողջութիւնն ու առողջ միջավայր երաշխաւորելու պարտաւորութիւնը ապահովելու նկատառումով, որոշում ընդունւեց Ազգային առաջնորդարանի այցելուների թիւը նւազագոյնին հասցնելու համար հնարաւորինս կառոցիս հետ կապւած բոլոր ծառայութիւնները յարմարեցնել այսօրւայ համավարակի պայմաններին՝ կատարելով հեռակայ կարգով, որի կապւած հնարաւոր է զանգահարել նշւած համարներին՝ 88901634-36
Թեհրանի Հայոց Թեմի Թեմական խորհուրդը կարեւորելով տարբեր շրջանների Քաղաքապետարանների հետ երկկողմ յարաբերութիւնների ամրապնդումն ու առաւել ընդլայնումը, յաճախ կապ է հաստատում այն շրջանների պատասխանատունների հետ, որոնց սահմաներում են գտնւում՝ հայահոծ թաղամասերը, Թեմիս եկեղեցինները եւ թեմապատկան կալւածները:
Ըստ այդմ, կիրակի 26 յուլիս 2020 թ.-ին Թեհրանի 6-րդ շրջանի քաղաքապետարան այցելեցին՝ Թ.Հ.Թ. Թեմական խորհրդի ատենապետ՝ Նորայր Արամեանը, նոյն խորհրդի ատենադպիր՝ Վահէ Թարոյեանը, Առաջնորդարանի դիւանապետ՝ Զօրիկ Կարապետեանը եւ կտակա-կալւածային մարմնի անդամ՝ Ռենէ Փիազաքը:
Յուլիսի 25-ին ըստ Հայոց Առաքելական Սուրբ Եկեղեցու տօնացոյցի, Հայաստանի առաջին լուսաւորիչներից՝ Սուրբ Թադէոս Առաքեալի եւ նրա նահատակակից, Սուրբ Սանդուխտ Կոյսի յիշատակութեան օր ն էր։ Այդ իսկ առիթով, կիրակի` յուլիս 26-ի առաւօտեան, Թեմիս Սուրբ Սարգիս մայր Եկեղեցում, նախագահութեամբ Թեմիս Բարեխնամ Առաջնուրդ՝ Տ․Սեպուհ Ս․ Արք․ Սարգսեանի եւ ձեռամբ՝ Արժ․ Տ․ Արիստակէս Քհնյ․ Շահմիրեանի մատուցւեց Սուրբ եւ Անմահ Պատարագ։
2020 թւականի յուլիսի 25-ի առաւօտեան , Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը իր գրասենեակում ընդունեց, ԻԻ խորհրդարանի 11-րդ շրջանի Թեհրանի եւ Հիւսիսային Իրանահայութեան Պատգամաւոր՝ պրն. Արա Շահվերդեանին, որ շաբաթական հերթականութեամբ այցելում է Սրբազան Հօր:
Հոգեգալուստի օրը, առաքեալները Սուրբ Հոգով զօրացան, եւ համարձակութիւն ստացան Քրիստոսի վկաները լինել ամբողջ աշխարհում։ Այդ օրը աստւածային տնօրինումով որոշւեց իւրաքանչիւր առաքեալի քարոզչութեան սահմանները։ Սուրբ Թադէոս եւ Սուրբ Բարթողիմէոս առաքեալներին վիճակւեց, Աւետարանը քարոզել Հայաստանում։
Թեմիս Հայոց Դպրոցների եւ Մանկապարտէզների Յարգելի Ծնողներ՝
Սփիւռքեան պայմաններում հայ ժողովրդի գոյատեւման երաշխիքը եւ մեր ազգային գոյութեան ամրանիստ խարիսխներն են կազմում Ազգային, Կրօնական, Կրթական եւ Մշակութային կառոյցները, որոնցով ոգեշնչւում եւ պաշտպանւում ենք մեր ինքնութիւնը կորցնելուց եւ ձուլումից։
Այսօր՝ Հայոց Առաքելական Ս․ Եկեղեցին Տօնում է Հին Կտակարանի մեծ մարգարէներից՝ Եսայի մարգարէի յիշատակը։ Մարգարէ, որ Սուրբ Հոգով լցւած հեռւից տեսաւ Քրիստոսին եւ աւետեց նրա կեանքից բազում դրւագներ։
Այսու անձնապէս եւ յանուն մեր Պատգամաւորական Ժողովի, Կրօնական, Թեմական Խորհուրդների եւ ողջ ժողովականութեան խորազգաց ցաւակցութիւնն ենք յայտնում Գայիանէ եւ Սէրինէ Կարապետեաններին, Կարապետեան եւ Բաբայեան ընտանիքներին, Հայ Բարեգործական Ընդհ. Միութեան Վարչութեան եւ նրա յարակից բոլոր մարմիններին եւ միւս բոլոր հարազատներին իրենց կրած ծանր ու անփոխարինելի կորստի՝ ԱՍՏՂԻԿ ԲԱԲԱՅԵԱՆ (ԿԱՐԱՊԵՏԵԱՆ)-Ի ցաւալի մահւան առթիւ:
2020 թւականի յուլիսի 22-ին թեմիս առաջնորդ Գերշ. Տ. Սեպուհ Ս. Արք. Սարգսեանը առաջնորդարանի իր գրասենեակում ընդունեց Իրանի Իսլամական Հանրապետութիւնում Հաւատարմագրւած Հայաստանի Հանրապետութեան Արտակարգ եւ Լիազօր Դեսպան՝ պրն. Արտաշէս Թումանեանին, որը նոր էր վերադարձել Հայաստանից։