Իրանի Իսլամական յեղափոխութեան յաղթանակի 45-րդ տարեդարձի մեծարման ծրագրերի շարանում, հովանաւորութեամբ Թեհրանի հայոց թեմի առաջնորդ Տ. Սեպուհ արք. Սարգսեանի, նախաձեռնութեամբ՝ Թ. Հ. Թ. Թեմական խորհրդի եւ Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի եւ համագործակցութեամբ «Ջելւէ» մշակութային կենտրոնի, երկուշաբթի 12 փետրւար 2024 թւականի երեկոյեան «Արարատ» մարզաւանի «Վաչիկ Ղարաբէգեան» սրահում կազմակերպւել էր իւրայատուկ միջոցառում, պետական բարձրաստիճան պաշտօնատարների ներկայութեամբ:

Եկեղեցու տօնացոյցը յիշեցնում է մեզ, որ արդէն Մեծ պահքի սեմին ենք։

Քրիստոնէական եկեղեցու կեանքում Մեծ պահքը գեղեցկագոյն առիթն է, որ հաւատացեալներին մղում է աղօթքով, պահեցողութեամբ եւ եկեղեցական արարողութիւնների մասնակցութեամբ վերանորոգութեան եւ հաւատքի վերակենսաւորման։

Առ այդ մեծ պահոց առաջին շաբաթից, հինգշաբթի՝ 15 փետրւար 2024 թւականից սկսեալ Թեհրանի մեր եկեղեցիներում կատարւելու է առաւօտները՝ Արեւագալի եւ երեկոները՝ Խաղաղական ու Հանգստեան ժամերգութիւններն ըստ հետեւեալ ժամանակացոյցի.-

Այսու Թեհրանի Թեմի մեր ժողովրդի սիրելի զաւակներին յայտարարում ենք, որ ուրբաթ, 23 փետրւար 2024 թւականի առաւօտեան Թեհրանի մեր բոլոր եկեղեցիներում յաւարտ Ս. եւ անմահ պատարագի տեղի է ունենալու յատուկ հոգեհանգստեան արարողութիւն՝ Արցախի ազատագրական պայքարի եւ յատկապէս Բաքւում եւ Սումգայիթում նահատակւած մեր անմեղ զոհերի ինչպէս նաեւ քառօրեայ եւ 44 օրեայ պատերազմների նահատակների հոգիների խաղաղութեան համար:

Ս. Սարգիս առաջնորդանիստ մայր եկեղեցում կրօնական արարողութեանց նախագահելու եւ այս առիթով քարոզելու է թեմիս առաջնորդ՝ Գերշ. Տ. Սեպուհ Ս. Արք. Սարգսեանը:

Սիրով հրաւիրում ենք մեր ժողովրդի սիրելի զաւակներին՝ ներկայ գտնւելու Ս. պատարագին եւ հաղորդւելու մեր անմեղ նահատակների նահատակութեան խորհրդով եւ արտայայտելու մեր զօրակցութիւնը Արցախի մեր ժողովրդին:

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Ամէն տարի, Բուն Բարեկենդանին նախորդող հինգշաբթի օրը, Հայոց եկեղեցին եւ ժողովուրդը ոգեկոչում են յիշատակը «Սուրբ Վարդանանց» Զօրավարների: «Վարդանանք» ասելով հասկանում ենք այն 1036 սուրբ նահատակները, որոնք հայոց Զօրավար՝ Վարդան Մամիկոնեանի գլխաւորութեամբ 451 թւականին Աւարայրի դաշտում իրենց կեանքը ընծայաբերեցին հայրենիքի ու հաւատքի պաշտպանութեան զոհասեղանին։

Հինգշաբթի՝ փետր. 8-ին, Վարդանանց տօնի խորհրդանշական օրւան զուգահեռ, Թեհրանի Նոր Բուրաստան գերեզմանատանը տեղի ունեցաւ 8-ամեայ պատերազմի միաստւածային կրօնների նահատակների շիրիմների օծման եւ խնկարկման արարողութիւնը:

Երեքշաբթի, 6 փետրւար 2024 թւականին տօնն էր Ղեւոնդեանց քահանայից։ Հոգեւոր հայրեր, որ Աւարայրի մեծ ճակատամարտին՝ 451 թւականին, Ղեւոնդ երէցի նման արիացեալ ոգով՝ զինավառեցին վասն հաւատքի եւ վասն հայրենեաց մարմնաւոր բանսարկոյի դէմ դուրս եկած զօրավարներին։

Այս օրերին ողջ Իրանը, մի անգամ եւս, ապրում է երջանկութիւնը 45 տարիներ առաջ իր արեամբ նւաճած իսլամական Յեղափոխութեան մեծ յաղթանակի, որով երկիրն ու ողջ ժողովուրդը ինքն իրեն գտաւ նոր եւ լուսաւոր ճանապարհի վրայ:

«Ճանաչել Աւետարանն իբրեւ հայր եւ մայր՝ Առաքելական եւ ընդհանրական սուրբ եկեղեցի»: Այս նախադասութեան մէջ խտացած է Վարդանանց հաւատամարտի խորհուրդն ու ողջ գաղափարական աշխարհը:

Յունւարի վերջին օրերին իր հոգին աւանդեց գաղութիս բազմամտահոգ, երախտարժան, անխոնջ կերպով աշխատող՝ հանգուցեալ տիկին Նազիկ Մանասեանը, որ կէսդարիայ իր ազգային, եկեղեցական, մշակութային, ընկերային, կրթական անսակարգ եւ նւիրեալ աշխատանքով իր կեանքը նւիրաբերեց իր եկեղեցուն, Հայ Կին Միութեան կից Անի Միութեան, Հայ Մշակութային Սարդարապատ Միութեան եւ իր հայրենակիցներին:

Շաբաթ, 3 փետրւար 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը իր գրասենեակում ընդունեց Սրբ. Վարդանանց եկեղեցու խորհրդի ներկայացուցիչներին, ովքեր եկել էին Սրբազան Հօր հովանաւորութիւնը եւ օրհնութիւնը խնդրելու Սրբ. Վարդանանց տօնին եկեղեցու անւանակոչութեան տօնակատարութեան կապակցութեամբ: