Բերկրանքով և խոր գոհունակութեամբ ուրախ ենք յայտարարելու, որ թեմիս անզնիւ հայ համայնքի բարեսէր և բարեպատրաստ մի քանի անձնաւորութիւններ անձնական նախաձեռնութեամբ, տօնական այս բարեբաստիկ օրերին, Թեհրանի Հայոց Թեմի Առաջնորդարանին տրամադրեցին տասնհինգ ընտանիքի կարիքների չափով իւրաքանչիւրին մէկ սնտուկ տօնական սեղանի համար անհրաժեշտ պարէն, համայնքիս կարիքաւոր ընտանիքներին տրամադրելու խնդրանօք։

Շնորհակալութեամբ և երախտիքով ընդունեցինք մարդասիրական սրտաբուխ այդ նւէրը, որը փոխանցւեց թեմիս Կարիքաւորներին Օժանդակող Մարմնին յատկացնելու ուր որ հարկն է։

Չենք կասկածում այս և նման մարդասիրական վերաբերմունքները ինչպէս միշտ անպակաս են մեր համայնքում, այն վստահ համոզումով, որ ինքնակամ և ազնիւ նման բարեսիրութիւնները փոխարինւում են բազմապատիկ։

Աստւածային օրհնութիւն նւիրատու հայորդիներին:

Պատւական ընտանիքներ,

Յաւերժացնելու համար մեր անձնուրաց նահատակների յիշատակը, և ընդառաջելով Թեհրանի «Բաղ Մուզէյէ Դեֆաէէ Մողադդաս»-(باغ موزه دفاع مقدس) ի դիմումին, համաձայնութիւն ենք ձեռք բերել, որպէսզի նոյն թանգարանի մի յատուկ բաժնի ցուցափեղկերում ցուցադրել մեր անմահ նահատակներից մնացած յիշատակները։

Դրանք կարող են լինել նահատակների զինւորական կամ սովորական հագուստեղէններ, նամակներ, կօշիկներ (զինւորական), դպրոցական ժամանակներից մնացած դասագիրք, տետրակ, ձեռագրեր, վկայական, խմբային լուսանկարներ, ընկերական խմբային լուսանկարներ, մեքենավարութեան արտօնագիր, սկաուտական կամ մարզական զգեստներ, մանկական լուսանկարներ, ձայնագրւած կամ տեսագրւած երիզներ, ստացւած գնահատականներ, զինւորական ծառայութեան կամ նահատակութեան  կապակցութեամբ որևէ փաստաթուղթ՝ (برگه صوت سانحه، برگه اعزام و ...)և ընդհանրապէս բոլոր այն ինչերը, որոնք թարմացնելու են նահատակների յուշերն ու յիշատակները։

Կարևոր փաստաթղթերն ու նամակները պատճէնահանւելու եւ իսկականը վերադարձւելու են պատւական ընտանիքներին։

Յաւելեալ տեղեկութիւնների համար կարող էք կապւել հետեւեալ հեռախօսահամարով՝ 0937.297.1621։

Թ.Հ.Թեմի «Հայ Անձնուրացների Արժէքները Պահպանող Յանձնախոումբ»

Կիրակի դեկտեմբերի 20-ի առաւօտեան, Ս. Սարգիս եկեղեցի եւ Ազգային Առաջնորդարան այցելեցին Ղոմի Կրօնագիտական Իսլամագիտական Ֆակուլտետի մագիստրոսի ուսանողներ, գլխաւորութեամբ դոկտ. Հոջաթոլիսլամ ՄոսթաՖա Դարիաբարի-ի:

Նախաձեռնութեամբ Քրիստոնէական դաստիարակութեան յանձնախմբի, երկուշաբթի, դեկտեմբերի 14-ի երեկոյեան, Հ. Ուս. «Չհարմահալ» միութեան «Յ. Թումանեան» սրահում տեղի ունեցաւ Ս. Գրիգոր Նարեկացու՝ «Մատեան ողբերգութեան» արեւելահայերէնով տպագրւած եւ երանաշնորհ Զարեհ Ազնաւուրեանի հեղինակած՝ «Սերտողութիւն Մատթէոսի Աւետարան»-ի 2 հրատարակութիւնների շնորհահանդէսը:

Թեհրանի Հայոց Թեմի Յարաբերական Մարմինը զրոյց է ունեցելԳերեզմանատան Վարչութեան ատենապետ՝ պրն. Ջանէս Աւետեանի հետ:  Ստորև, հակիրճ ներկայացնում ենք սոյն զրոյցը՝

2015 թւի յուլիսից նշանակւել է մեր կազմը, հետևեալ անդամներով՝

Հազարաւոր տարիների վրայ երկարաձգւած մարդ էակի կեանքը, վերոյիշեալ երկու բառերի իմաստային շրջագծում դիտելիս, կեանք կոչւած իրականութիւնը աւելի յստակ ու պարզ է երեւում եւ միանգամայն աւելի խոր ու հարուստ:

Քրիստոնէական մտածողութեան մէջ կեանքը նկատւած է իբրեւ Աստծու պարգեւ. հետեւաբար կեանքը կայ որպէսզի ապրւի համաձայն Աստծու կամքի, ապրւի մի որոշ ժամանակի մէջ, միաժամանակ վեր մնալով ժամանակից:

Թ. Հ. Թ. Կրթական խորհրդի Դաստիարակչական յանձնախմբի նախաձեռնութեամբ, հինգշաբթի, դեկտեմբերի 3-ին, ՙԱրարատ՚ մարզաւանում տեղի ունեցաւ Թեհրանի հայոց դպրոցների 9-րդ դասարանի աշակերտների համար կազմակերպւած արշաւը, որին իրենց մասնակցութիւնը բերեցին 126 աշակերտներ:

Սոյն արշաւին մասնակցում էին ՙԱրաքս՚, ՙԱրարատ՚, ՙԳոհար՚, ՙՆայիրի՚, ՙԹունեան՚,  ՙՄարիամեան՚, ՙՄարիամ՚ տղ., եւ ՙՄարիամ աղջ. դպրոցների աշակերտներ:

Երեքշաբթի 14 դեկտեմբեր 2015-ի առաւօտեան՝ թեմիս առաջնորդ Գերշ. Տ. Սեպուհ Ս. Արք. Սարգսեան առաջնորդարանի իր հիւրասենեակում ընդունեց Իրանի Իսլամական Հանրապետութիւնում հաւատարմագրւած Ռուսիոյ Դաշնութեան դեսպան մեծարգոյ պրն. Լեւոն Ջաղարեանը ընկերակցութեամբ հիւսիսային շրջանի համար նշանակւած նոր հիւպատոսին:

Թւականիս դեկտեմբերի 8-ին, Թեհրանի հայոց թեմի առաջնորդ Գերշ. Տ. Սեպուհ Ս. Արք. Սարգսեանի առաջարկով կայացաւ գրողների եւ մտաւորական խաւի հերթական 53-րդ հանդիպումը ՝ Թ. Հ. Թ.-ի ազգային առաջնորդարանի դահլիճում:

Երկուշաբթի 14 դեկտեմբեր 2015-ի առաւօտեան բացումը կատարւեց Քրիստոնեայ-Իսլամ Երկխօսութեան համագումարին, կազմակերպւած՝ Մշակոյթի եւ Իսլամական Հաղորդակցութեան կենտրոնի եւ Սլովենիոյ Լուբլիանա համալսարանի միջեւ. համագումարի հիմնական թեման էր «Աշխարհը առանց բռնութեան եւ ծայրահեղութեան»: