Թեհրանի Արտակ Մանուկեանի անւան ազգային թանգարանը դարձել է փորձարկման առաջին կենտրոնը Իրանի գիւտարարների թիմի նախագծած սարքի: ԻՌՆԱ-ի համաձայն՝ նրանք, Շւէյցարիայի միջազգային գիւտերի մրցոյթի առաջին փուլում աշխարհի զանազան երկրներից 800 մասնակիցների մէջ յաջողել են Իրանի համար շահել ոսկեայ մեդալ, իրենց պատրաստած սարքի բերումով, որը համարւում է թանգարանների իրերի եւ ձեռագրերի պահպանման ու վերահսկման սարք: Սարքի նպատակն է՝ խելացի դարձնել թանգարանների մոնիտորինգը: Գիւտերի միջազգային առաջին շրջանի մրցոյթը, որը IFIA-ի համաշխարհային ֆեդերացիայի անդամ գիւտարարների յատուկ մրցոյթն է, առցանց ձեւով կազմակերպւել է յուլիս ամսին Ժնեւում, որի ընթացքում Իրանի խմբի անդամներ՝ Մահմուդ Ռեզա Գորջին, Սալար Բասիրին եւ Մարջան Հաջի Ռահիմին իրենց պատրաստած սարքի շնորհիւ Իրանի համար ոսկեայ մեդալ են ապահովել:
Վերջին օրերի ընթացքում Կրթադաստիարակչութեան ընդհանուր կենտրոնի եւ Թ.Հ.Թ. Կրթական խորհրդի հետեւողական աշխատանքների շնորհիւ պատւաստւել են Ազգային դպրոցներում աշխատող՝ ուսուցչական կազմերն ու պաշտօնէութիւնը եւ այս ընթացքը կը շարունակւի մինչեւ կառոյցիս բոլոր աշխատակազմերի պատւաստումը:
Շաբաթ, օգոստոսի 14-ին, Ազգային առաջնորդարանի դահլիճում, Կրթական խորհրդի ատենապետ՝ Ալֆրէդ Կարապետեանը, փոխատենապետ Կարինէ Բալըքճեանը, նոյն խորհրդի անդամներ՝ Խաչատուր Խաչատրեանը, Ալենուշ Շահնազարեանը և Մարլէն Աշուղեանը հանդիպում են ունեցել «Մարիամ» հաստատութեան դպրոցների ներկայացուցիչներ` Կարինէ Մարգարեանի, Ֆրէդ Աշուղեանի և Քլարիս Մատթէոսեանի հետ:
Սիրելի Հայրենակիցներ, ցաւօք պիտի տեղեկացնենք Թեհրանի հայ համայնքում կորոնավիրուսի պատճառով մահերի թիւը 135-ի հասաւ։ Իրանական մորդադ ամսւայ ընթացքում՝ համաճարակի հինգերոդ ալիքի ցունամին մեզնից խլեց 19 հայորդու։
Նկատի ունենալով երկրում տիրող համաճարակային ահաւոր իրավիճակը եւ կորոնավիրուսից վարակւածների ու մահւան աճի արձանագրումը, Թեմիս հաւատացեալ եւ բարեպաշտ զաւակների ուշադրութեանն ենք յանձնում, որ երկու շաբաթ եկեղեցիներում բացառւում է նաեւ դռնփակ կարգով Կիրակնամտի եւ Կիրակնօրեայ Պատարագների արարողութիւնները։
Ցաւով յայտնում ենք, ազգային մեր կառոյցներում երկար տարիների վաստակ ունեցող ազնիւ, բարեսէր եւ հայրենասէր սիրելի Եղիշ Գալստեանի մահը: Եղիշին ճանաչել եմ առաջին անգամ 1990 թ.-ի յունւարին երբ Մեծի Տանն Կիլիկիոյ Երանաշնորհ Գարեգին երկրորդ Կաթողիկոսի հետ Թեհրան այցելեցի, շատ հետաքրքրական կերպով առաջին օրւանից սկսեալ իրար կապւեցինք փոխադարձ համակրանքով, այնուհետ երբ որպէս առաջնորդ Թեհրան փոխադրւեցի նրան ճանաչեցի որպէս ժողովական եւ ազգային հասարակական գործիչ:
Խորը վշտով համակւած գուժում ենք՝ Եղիշ Գալստեանի ցաւալի մահը, որը տեղի ունեցաւ այսօր առաւօտեան՝ օգոստոսի 19-ին Երեւանում: Հանգուցեալը եղել է իրանահայ ազգային-հասարակական գործիչ, Թ.Հ.Թ. Թեմական խորհրդի տարբեր շրջանների անդամ, Հ.Մ. «Սիփան» միութեան հիմնադիրներից՝ եւ նոյն միութեան տարիների նախագահ։
Թող Աստւած լուսեղէն յարկերում բնակեցնի նրան եւ Ս. հոգու մխիթարութիւնը պարգեւի իր հարազատներին:
Վերջին օրերի ընթացքում արտերկրեայ լրատւամիջոցների կողմից Դուլաբի գերեզմանատան կապակցութեամբ հաղորդւած ապատեղեկատւութեան բերումով Համայնքիս մօտ առաջացած մտահոգութիւնները փարատելու նպատակով, երեքշաբթի թւականիս օգոստոսի 17-ին, Թեմական խորհրդի ատենապետ՝ ճրտպ. Նորայր Արամեանը ընկերակցութեամբ՝ Ի.Ի. Խորհրդարանում Թեհրանի եւ հիւսիսային Իրանահայութեան պատգամաւոր՝ պրն. Արա Շահվերդեանի, Խորհրդի անդամ եւ զոյգ Գերեզմանատների կապ՝ պրն. Ռաֆիկ Մելիքսէթեանի եւ Ազգ. Առաջնորդարանի դիւանապետ՝ պրն. Զօրիկ Կարապետեանի այցելեցին Դուլաբի հայոց գերեզմանատուն։ Սոյն այցելութեանն ընկերակցում էր նաեւ Թեհրանի Քաղաքապետարանի 14-րդ շրջանի երկրորդ բաժնի Քաղաքապետը։
Այս տարի ցաւօք՝ նկատի ունենալով երկրում տիրող համաճարակային ահաւոր իրավիճակը եւ կորոնավիրուսից վարակւածների ու մահւան աճի արձանագրումը, կիրակի 15 օգոստոս 2021 թ.-ին Վերափոխման Ս. Աստւածածնի եւ խաղողօրհնէքի արարողութիւնը կատարւեց Թեհրանի եկեղեցիներում դռնփակ կարգով։ Սուրբ Սարգիս Մայր եկեղեցում կրօնական արարողութեանը նախագահում էր Թեմիս Բարեխնամ Առաջնորդ՝ Գերաշնորհ Տ․ Սեպուհ Ս․ Արք․ Սարգսեանը։ Արարարողութիւնը առցանց սփռւեց եկեղեցիների ինստագրամային էջով։Արարողութեանը ներկայ էր Թ.Հ.Թ. Թեմական խորհրդի ատենապետ՝ ճրտպ. Նորայր Արամեանը ու ստւարաթիւ հաւատացեալներ:
Այսու անձնապէս եւ յանուն մեր Պատգամաւորական Ժողովի, Կրօնական, Թեմական Խորհուրդների, Հաշւեքննիչ մարմնի եւ ողջ ժողովականութեան խորազգաց ցաւակցութիւնն ենք յայտնում պրն. Մայիս Մինասեանին, Մինասեան, Օհանեան եւ Քեշիշեան ընտանիքներին եւ միւս բոլոր հարազատներին իրենց կրած ծանր ու անփոխարինելի կորստի՝ ՍԻԼՒԱ ՄԻՆԱՍԵԱՆ (ՕՀԱՆԵԱՆ)-Ի ցաւալի մահւան առթիւ: