ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Սուրբ Սարգիս Եկեղեցի

Սուրբ Սարգիս եկեղեցին Թեհրանի հայ համայնքի մայր եկեղեցին է: Այն կառուցւել է Վազգէն եւ Գուրգէն Սարգսեան եղբայրների նիւթական միջոցներով իրենց ծնողների յիշատակին, եւ ճարտարապետ Աֆթանդիլեանի նախագծով: Եկեղեցու եւ նրան կից առաջնորդարանի շէնքի կառուցումը աւարտին է հասել 1970 թւականին եւ օծւել է Մեծի Տանն Կիլիկիոյ կաթողիկոս՝ Խորէն Առաջինի ձեռամբ 1973 թւականի Ապրիլի 29-ին:

Եկեղեցին կառուցւած է համեմատաբար ոչ շատ բարձր պատւանդանի վրայ, որի արեւմտեան կողմում, գլխաւոր մուտքի առջեւ աստիճաններ են տեղադրւած: Եկեղեցու յատակագիծը ներսից եւ դրսից բազիլիկաձեւ է, այսինքն՝ քառանկիւն է եւ ձգւում է արեւելքից արեւմուտք: Մեծ լուսամուտներով գմբեթը գտնւում է աղօթասրահի վերեւում: Եկեղեցու արեւմտեան կողմում, գլխաւոր մուտքի երկու կողմերում գտնւում են զանգակատան երկու գմբեթաձեւ աշտարակները: Բացի գլխաւոր մուտքից, եկեղեցին ունի եւս երկու մուտք՝ հիւսիսային եւ հարաւային կողմերում, զանգակատան աշտարակների նեքեւում: Խորանի երկու կողմում առկայ են երկու աւանդատներ: Խորանի վերեւի պատերը ծածկւած են Աւետարանից ներշնչւած պատկերներով: Գլխաւոր մուտքի վերեւում կառուցւած է պատշգամբ՝ երգչախմբի համար:

Եկեղեցին սկզբում յենւած է եղել միայն պատերի վրայ եւ յենասիւներ չի ունեցել, սակայն առաստաղի նստւածքի եւ գմբեթի փլուզման վտանգից ելնելով, հետագային գմբեթի ծանրութեանը դիմանալու նպատակով, չորս յենասիւներ են կառուցւել :

Եկեղեցու շրջափակում գտնւում են հետեւեալ յուշարձանները եւ շինութիւնները՝

1- Մեծ Եղեռնի յուշակոթողը, նւիրւած թրքական պետութան կազմակերպած հայոց ցեղասպանութեան 1,5 միլիոն զոհերի յիշատակին: Յուշակոթողի բացումը կատարւեց 1973 թւականին Խորէն Առաջին կաթողիկոսի միջոցով:

2- Յուշակոթողին կից՝ Արտակ արքեպիսկոպոս Մանուկեանի շիրիմը:

3- Վերջին տարիներին կառուցւած գրադարան-գրախանութի շէնքը, նւիրւած Արփիկ Բարխուդարեան-Մանասերեանի յիշատակին, նրա ընտանիքի կողմից:

4- 1967 թւականին Մարտիկ Յարութիւնեանի նւիրատւութեամբ կառուցւած յուշաղբիւրը իր մօր՝ Վարիա Յարութիւնեանի յիշատակին:

5- Առաջնորդարանի շէնքը, որը գտնւում է բակի հարաւային կողմում: Առաջնորդարանը տնօրինում է հայ համայնքի բոլոր գործերը Թեհրանի Հայոց Թեմի Թեմական Խորհրդի վերահսկողութեան ներքոյ:

Սուրբ Սարգիս եկեղեցին սկսեալ 1970 թւականից, Թեհրանի եւ հիւսիսային իրանահայութեան թեմի առաջնորդանիստ եկեղեցին է: Մինչ այդ, թեմի առաջնորդանիստ եկեղեցին եղել է Ս. Աստւածածին եկեղեցին:

Եկեղեցու հասցէն է՝ Քարիմ Խան Զանդ եւ Օսթադ Նեջաթօլլահի (նախկին Վիլա) պողոտաների խաչմերուկ

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com