Երկուշաբթի, 9 դեկտեմբեր 2024 թւականին, Ազգ. Առաջնորդարան այցելեցին Իսլամական մշակոյթի եւ հաղորդակցութեան կազմակերպութեան Կրօնների եւ մշակոյթների երկխօսութեան կենտրոնի հրաւէրով Թեհրան ժամանած՝ Ղազախստանի Հանրապետութեան մշակոյթի եւ տեղեկատւութեան նախարարութեան կրօնական հարցերի կոմիտէի տնօրէն՝ Նոկժանով Երժան Բուլատկանովիչը (رئیس کمیته امور دینی وزارت فرهنگ و اطلاع رسانی جمهوری قزاقستان), Ղազախստանի կրօնների երկխօսութեան միջազգային կենտրոնի տնօրէնի աւագ խորհրդական՝ Բոլաթ Սարսնբայֆը (مشاور ارشد رئیس مرکز بین‌المللی گفت‌وگوی ادیان و مذاهب قزاقستان) եւ ընկերակցող պատւիրակութիւնը: Պատւիրակութեանը ուղեկցում էին՝ Իսլամական մշակոյթի եւ հաղորդակցութեան կազմակերպութեան փորձագէտ Ռաշիդ Բէյգին եւ կենտրոնի ներկայացուցիչները:

Երկուշաբթի, 9 դեկտեմբեր 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանի հրաւէրով, հանդիպում կայացաւ նորանշանակ Եկեղեցական խորհուրդների ատենապետների եւ ներկայացուցիչների հետ: Սոյն հանդիպման նաեւ ներկայ էին  Թեմական խորհրդում Եկեղեցական խորհրդների հետ կապ՝ պրն. Հայրիկ Աղանեանը եւ Քրիստոնէական դաստիարակութեան բաժանմունքի պատասխանատու՝ տկն. Շաքէ Եղիայեանը:

Կիրակի, 8 դեկտեմբեր 2024 թւականին, Թեհրանի հայոց թեմի բոլոր եկեղեցիներում Ս. Պատարագից յետոյ կատարւեց հոգեհանգստեան արարողութիւն, 1988 թւին Հայաստանի Սպիտակ քաղաքում աւերիչ եւ աղէտալի երկրաշարժին զոհ գնացած աւելի քան 25 հազար հայորդիների հոգիների խաղաղութեան համար:

Դեկտեմբերի սկզբին համաձայն մեր եկեղեցու ծիսական օրացոյցի՝ քրիստոնէական եկեղեցու 4-րդ դարի մեծագոյն սրբերից՝ Ս. Մինասի եւ իր նահատակակից ընկերների՝ Եւգրափոսի եւ Երմոգինէսի յիշատակի օրն է:
Սոյն տօնը համընկնում է նաեւ Վանաքի Ս. Մինաս եկեղեցու անւանակոչութեան տօնին:

Թեհրանի հայոց թեմի 17-րդ շրջանի Պատգամաւորական ժողովի հերթական նստաշրջանը կայացաւ 2024 թ. նոյեմբերի 12-ին, 13-ին եւ նոյեմբերի 26-ին, ազգային առաջնորդարանի դահլիճում, ներկայութեամբ Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր՝ Արա Շահվերդեանի եւ մասնակցութեամբ Թ.Հ.Թ. Թեմական խորհրդի, Հաշւեքննիչ մարմնի եւ պատգամաւորների:

Այսու Թեհրանի մեր հաւատացեալ ժողովրդի զաւակներին յայտնում ենք, որ յառաջիկայ երեքշաբթի թւականիս դեկտեմբերի 3-ին, տօնն է Ս. Մինասի: Ս. Մինասի տօնը համընկնում է Վանաքի Ս. Մինաս եկեղեցու անւանակոչութեան տօնին:

Արդարեւ այս առիթով, Ս. Մինաս եկեղեցում, հովանավորութեամբ եւ օրհնութեամբ Թեհրանի Հայոց Թեմի Առաջնորդ Գերշ. Տ. Սեպուհ Ս. Արք. Սարգսեանի, երեքշաբթի 3 դեկտեմբեր 2024 թւականին, մատուցւելու է հանդիսաւոր Ս. եւ Անմահ Պատարագ:

Սկիզբ ժամերգութեան ժամը 9:00-ին
Ս. Պատարագ ժամը 10:00-ին
Քարոզ ժամը 11:00-ին

Մեր ժողովրդի զաւակներին հրաւիրում ենք՝ ներկայ լինելու կրօնական արարողութեան եւ Ս. պատարագին՝ հաղորդւելու համար սուրբի յիշատակով եւ վերաթարմացնելու Քրիստոնէական իրենց հաւատքը:

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Երեքշաբթի, թւականիս նոյեմբերի 26-ին, ազգային առաջնորդարանի դահլիճում գումարւեց Թ.Հ.Թ. 17-րդ Պատգամաւորական ժողովի հերթական նիստը, 41 պատգամաւորների ներկայութեամբ եւ ատենապետութեամբ Սուրիկ Աբնուսեանի ու Սեւակ Հաթամեանի:

Կիրակի, թւականիս նոյեմբերի 24-ին, Ս. Գրիգոր Լուսաւորիչ եկեղեցի այցելեցին՝ Թեհրանի քաղաքապետարանի խօսնակ եւ միջազգային կապերի կենտրոնի տնօրէն Աբդոլմոթահար Մոհամադխանին եւ նրան ընկերակցող պատւիրակութիւնը:

Ուրբաթ եւ կիրակի, թւականիս նոյեմբերի 22-ին եւ 24-ին, Թեհրանի բոլոր եկեղեցիներում, մատուցւող ուրբաթօրեայ եւ կիրակնօրեայ Սուրբ եւ Անմահ Պատարագի ընթացքին, տեղի ունեցաւ յատուկ աղօթք՝ Արցախի հարցի բարւոք լուծման եւ հայ գերիների շուտափոյթ ազատ արձակման համար: