Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Հայկական պատւիրակութեան հանդիպումը՝ Այաթ. Հաշեմի Ռաֆսանջանիի հետ

«ԱԼԻՔ» - Իրանահայ պատւիրակութեան ներկայացուցիչները, երէկ երեկոյեան հանդիպել են Համակարգի նպատակայարմարութիւնը բնորոշող ժողովի պետ՝ այաթ. Հաշեմի Ռաֆսանջանիին, վերջնիս հրաւէրով:

Փոխադարձ յարգանքի մթնոլորտում կայացած հանդիպման ընթացքում, Թեհրանի հայոց թեմի առաջնորդ Տ. Սեպուհ արք. Սարգսեանը կարեւորութեամբ անդրադարձաւ Աստւածային երկու կրօնների ընդհանրութիւններին եւ դրանցից բխող Իրանում կրօնա-ազգային բոլոր փոքրամասնութիւնների խաղաղ գոյակցութեանը: Սրբազան Հայրը մասնաւորապէս նշեց, որ երբ որպէս իրանցիներ ենք դիտարկում հարցերը, բնականաբար, ինչպէս բոլորը, ունենք մի շարք հարցեր, այդ թւում տնտեսական խնդիրներ: Սակայն, որպէս համայնքային խնդիրներ, թեմակալ առաջնորդը ընդգծեց ուսումնադաստիարակչութեան ոլորտում «ադիան» (կրօն) դասագրքերի հարցը: Սրբազան Հայրը շեշտեց նաեւ, որ միջազգային համագումարներում մշտապէս անդրադառնում է Իրանում կրօնական փոքրամասնութիւնների արտօնութիւններին:

Խորհրդարանի պատգամաւոր Ռոբերտ Բեգլարեանը, եւ «Ալիք» հաստատութեան ներկայացուցիչ Հենրիկ Խալոյեանը անդրադարձան նաեւ փոքրամասնութիւններին յատուկ ժառանգութեան հարցերի, մարզա-մշակութային միութիւնների, դպրոցների առջեւ ծառացած դժւարութիւններին:

Հանդիպման ընթացքում, այաթ. Հաշեմի Ռաֆսանջանին գնահատանքով անդրադարձաւ իրանահայ համայնքին եւ ընդգծեց ու կարեւորեց երկու Աստւածային կրօնների հետեւորդների խաղաղ գոյակցութիւնը, նշելով որ թւարկած դժւարութիւնների կարգաւորման համար իր գլխաւորած ժողովը կը ցուցաբերի իր հնարաւոր աջակցութիւնը:

Նա նաեւ անդրադարձաւ Իրան-Հայաստան բարիդրացիական յարաբերութիւններին եւ առգոյ փոխադարձ յարգանքի մասին:

Աւելացնենք, որ իրանահայ պատւիրակութեանը մաս էին կազմում նաեւ՝ Թ. Հ. Թ. Պատգամաւորական ժողովի Բ ատենապետ ճրտգ. Նորայր Արամեանը, Թ. Հ. Թ. Թեմական խորհրդի փոխատենապետ Վարուժ Յովհաննիսեանը, քահանայ հայրեր՝ Տ. Կոմիտաս Ղարախանեանը ու Տ. Գրիգորիս Ներսիսեանը, Պատգամաւորական ժողովի դիւանի անդամ Արմէն Հայրապետեանը, ազգային առաջնորդարանի դիւանապետ Սերոժ Օհանեանը եւ Թ. Հ. Թ. Թեմական խորհրդի Յարաբերական մարմնի անդամ Արթին Բաբայեանը:

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Շաբաթ 26 Նոյեմբերի 2022;
Սրբոյն Նիկողայոսի Զմիւռնացւոյ Սքանչելագործ հայրապետին Եզեկիէլ 3.16-19։ Բ Տիմոթէոս 3.10-15։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 10.11-16։

Կիրակի 27 Նոյեմբերի 2022;
Ա կիր. Յիսնակի Եսայի 36.1-9։ Ա Թեսաղոնիկեցիներ 1.1-10։ ԱՒԵՏԱՐԱՆ ԸՍՏ ՂՈՒԿԱՍԻ 12.13-31։

Երկուշաբթի 28 Նոյեմբերի 2022;
Սրբոց կուսանացն՝ Յուլիանեայ եւ Վասիլուհւոյ, Աբրահամու եւԽորենայ եւ անարծաթ բժշկացն՝ Կոզմայի եւ Դամիանոսի, եւ Աստուածատրոյ վկային ԵՐԳ ԵՐԳՈՑ 8.14։ Օսէէ 14.6-8։ Բ Կորնթացիներ 6.16-7.1։ ԱՒԵՏԱՐԱՆ ԸՍՏ ՂՈՒԿԱՍԻ 8.1-3։

Երեքշաբթի 29 Նոյեմբերի 2022;
Սրբոցն Ղունկիանոսի քահանային, Տարագրոսի, Պրօպոսի, Անդրոնիկոսի, Ոնեսիմեայ եւ այլոց աշակերտացն սրբոյն Պօղոսի Իմաստութիւն Սողոմոնի 9.9-12։ Եսայի 41.15-19։ Բ Կորնթացիներ 2.14-17։ ԱՒԵՏԱՐԱՆ ԸՍՏ ՂՈՒԿԱՍԻ 6.13-20։

Չորեքշաբթի 30 Նոյեմբերի 2022;
Պահք Ա Թեսաղոնիկեցիներ 2.1-12։ ԱՒԵՏԱՐԱՆ ԸՍՏ ՂՈՒԿԱՍԻ 12.41-48։

Հինգշաբթի 01 Դեկտեմբերի 2022;
Սրբոցն Կղեմայ հայրապետին եւ Բագարատայ Տոռոմենոյ եպիսկոպոսին Առակներ 8.33-36։ Եսայի 66.18-21։ Փիլիպեցիներ 4.1-7։ ԱՒԵՏԱՐԱՆ ԸՍՏ ՂՈՒԿԱՍԻ 9.1-6։

Ուրբաթ 02 Դեկտեմբերի 2022;
Ա Թս 2.17-19։ Ղկ 12.49-59։

Շաբաթ 03 Դեկտեմբերի 2022;
Տօն սրբոց առաքելոցն եւ առաջին լուսաւորչացն մերոց Թադէոսի եւ Բարդուղիմէոսի Իմս 9.13-10.2։ Եր 16.16-19։ Ա Կր 12.26-13.10։ Մտ 9.35-10.7։

Կիրակի 04 Դեկտեմբերի 2022;
Բ. կիր. Յիսնակի Եսայի 36.22-37.11։ Ա Թեսաղոնիկեցիներ 4.1-11։ ԱՒԵՏԱՐԱՆ ԸՍՏ ՂՈՒԿԱՍԻ 13.1-9։

Երկուշաբթի 05 Դեկտեմբերի 2022;
Սրբոցն Գենարիոսի եպիսկոպոսին եւ Մերկերիոսի զինաւորին, Յակովկայ եւ Իրաւափառայ Եսայի 35.4-8։ Բ Կորնթացիներ 3.18-4.6։ ԱՒԵՏԱՐԱՆ ԸՍՏ ՂՈՒԿԱՍԻ 21.12:19

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ