Երկուշաբթի, 13 սեպտեմբեր 2021 թ.-ին, Կրթական խորհրդի անդամներ՝ Ալենուշ Շահնազարեանը, Օշին Ղահրամանեանը և Կարօ Պետրոսեանը այցելեցին «Թունեան» տարրական դպրոց հրաժեշտ տալու դպրոցի տեսչուհի՝ Շահրզադ Քեշմիրին, որը 11 երկար տարիներ իր ներդրում է ունեցել դպրոցում:
Թեհրանի ուսումնադաստիարակչութեան նախարարութեան 8-րդ շրջանի տնօրէն՝ դոկտ. Աղայիի կողմից երկու օր առաջ ներկայացւել է նաև դպրոցի նոր տեսչուհին՝ տկն. էֆֆաթ Մալմիրը, որը դպրոցում աշխատում էր, որպէս վերակացու:
Կրթական խորհուրդը գեղեցիկ ծաղկեփնջերով, իր շնորհակալական և բարեմաղթանքի խօսքը յղեց տեսչուհիներին, արժեւորելով տկն. Քեշմիրիի երկար տարիների անմնացորդ վաստակն ու նւիրումը, Իսկ նոր տեսչուհուն ցանկացան օգտաշատ աշխատանք և արդիւնաւէտ համագործակցութիւն իր նոր պաշտօնում:
Այս փոքրիկ միջոցառմանը ներկայ էին նաև դպրոցի փոխտեսչուհի՝ Շաքէ Աւետեանը և ծնողական խորհրդի անդամները, նրանք համեստ հիւրասիրութեամբ ևս իրենց մաղթանքները յղեցին տեսչուհիներին:
Թ.Հ.Թ. Կրթական խորհուրդ
https://tehranprelacy.com/9-content-hy/news-hy/3483-2021091802?tmpl=component&print=1#sigProId6116c3b497