Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՅԻՇԱՏԱԿ ՏԱՍԸ ԿՈՒՍԱՆԱՑ

Աւագ Երեքշաբթի օրւայ խորհուրդը ներկայացնում է «Տասը կույսերի» առակը, որը յորդորում է նմանւել իմաստուն կոյսերին եւ պատրաստ լինել Տիրոջ հրաշափառ Գալստեանը: Այն նաեւ կապւած է նախորդ օրւայ խորհրդի հետ այն ակնարկով, որ մեր առաքինի գործերի պտուղներով հոգեպէս պէտք է պատրաստ լինենք Քրիստոսի երկրորդ Գալստեանը, այլապէս կը չորանանք թզենու պէս եւ երկնքի արքայութիւնից դուրս կը մնանք այնպէս, ինչպէս հինգ կոյսերը:

Տասը կոյսերի յիշատակին նւիրւած խորհրդաւոր օրւայ առիթով, երեքշաբթի թւականիս ապրիլի 12-ի երեկոյեան, Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը, որի ընթացքում ընթերցւեցին պատկան աստւածաշնչական դրւագներն ու սուրբգրային հատւածները:

Ս. Սարգիս եկեղեցում Արարողութիւնը նախագահեց եւ յաւուր պատշաճի քարոզեց թեմակալ առաջնորդ գերշ. Տ. Սեպուհ Ս. Արք. Սարգսեանը:

Սրբազան Հայրն իր քարոզի սկզբին անդրադառնալով օրւայ խորհրդին ասաց.- «Այսօր Աւագ երեքշաբթի օր է եւ այս օրը յատուկ խորհուրդ ունի իր մէջ, որովհետեւ գիտակցութեան մէջ վերակենդանացնում է Քրիստոսի առաքելութեան հիմնական նպատակը՝ շատ գեղեցիկ եւ իմաստալից առակներով: Քրիստոս աշխարհ եկաւ որպէսզի մարդկութիւնը փրկութեան առաջնորդի. եկաւ որպէսզի մարդ արարածը նոր կեանք ունենայ եւ այդ կեանքն ունենայ առաւել լեցունութեամբ եւ լիութեամբ, սակայն այդ կեանքը ունենալու համար հարկ է իր պատգամները եւ յորդորները, խօսքերը եւ թելադրութիւնները նկատի ունենալ եւ ապրել դրանցով, որպէսզի կարողանանք արժանի լինել իր մեզի խոստացած երկնքի արքայութեան»: Նա յաւելեց, որ.- «Երկնքի արքայութիւնը Քրիստոնէական մեր հասկացողութեամբ աշխարհագրական մի վայր չէ, այլ հոգեւոր այն ճշմարտութիւններն են, որոնք հաւատացեալը իր կեանքի մէջ ապրում է եւ վկայում»:

Սրբազան Հայրն նշեց, որ «Այսօրւայ Աւետարանական ընթերցումները մեզ մղում են մտածելու եւ խորհրդածելու այսօրւայ խորհրդի մասին, որն ուրիշ բան չէ եթէ ոչ այն, որ մենք պէտք է իմաստութեամբ, արթնութեամբ եւ զգաստութեամբ ապրենք մեր երկրաւոր կեանքը, պէտք է չարը մեզանից հեռացնենք եւ հաւատարմօրէն Աստծոյ մեզի ցոյց տւած ճանապարհից ընթանանք, պէտք է մեր կեանքը ապրենք Աստծոյ շունչով եւ օրհնութեամբ, միշտ պատրաստ պիտի լինենք որովհետեւ չգիտենք թէ երբ է գալու տէրը եւ երբ է լինելու վերջին դատաստանը, հետեւաբար պատրաստւել նշանակում է ամէն վայրկեան իր կեանքն ապրել ակնկալութեամբ Քրիստոսի երկրորդ գալուստին, ապրել Աստծոյ պատւիրանների եւ թելադրանքների համաձայն եւ որքան հնարաւոր է կեանքը լցնել եւ ապրել Աստւածայն ճշմարտութիւններով, որպէսզի պատրաստ լինենք Քրիստոսին դիմաւորելու իր Յարութեան կերպարանքով»:

Սրբազան Հայրն իր քարոզի աւարտին, իր ուրախութիւնն ու հայրական գնահատանքի եւ օրհնութեան խօսքը ուղղեց պարմանուհիներին եւ նրանց ծնողներին, ովքեր նախանձախնդրօրէն եկել էին մասնակից դառնալու օրւայ արարողութեան եւ հաղորդւելու օրւայ խորհրդով:

Արարողութեան աւարտին բոլոր եկեղեցիներում, բոլոր մասնակից պարմանուհիներին յուշանւէրներ տրւեց:

Ազգային Առաջնորդարանի Հանրային Կապ

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Երեքշաբթի 17 Մայիսի 2022;
ԱՒԵՏԱՐԱՆ ԸՍՏ ՂՈՒԿԱՍԻ 12.32‐48։ ԳՈՐԾՔ ԱՌԱՔԵԼՈՑ 18.1‐11։ Ա Յովհաննէս 2.7‐17։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 7.37‐8.11։ ԱՒԵՏԱՐԱՆ ԸՍՏ ՄԱՏԹԷՈՍԻ 14.13‐21։ ԱՒԵՏԱՐԱՆ ԸՍՏ ՄԱՐԿՈՍՒ 7.1‐16։

Չորեքշաբթի 18 Մայիսի 2022;
ԼԲ օր Յինանց Ղկ 12.49‐13.9։ Գրծ 18.12‐28։ Ա Յհ 2.18‐23։ Յհ 8.12‐20։ Մտ 14.22‐36։ Մր 7.17‐30։

Հինգշաբթի 19 Մայիսի 2022;
ԼԳ օր Յինանց Ղկ 13.10‐21։ Գրծ 19.1‐20։ Ա Յհ 2.24‐25։ Յհ 8.21‐30։ Մտ 15.1‐20։ Մր 7.31‐37։

Ուրբաթ 20 Մայիսի 2022;
ԼԴ օր Յինանց Ղկ 13.22‐35։ Գրծ 19.21‐40։ Ա Յհ 2.26‐28։ Յհ 8.31‐59։ Մտ 15.21‐28։ Մր 8.1‐9։

Շաբաթ 21 Մայիսի 2022;
ԼԵ օր Յինանց Ղկ. 14.1-24։ Գրծ. 20.1-16։ Ա. Յհ. 2.28-3.1։ Յհ. 9.1-38։ Մտ. 15.29-16.12։ Մր. 8.10-26։

Կիրակի 22 Մայիսի 2022;
Զ կիր Յինանց Ղկ. 14.25-15.32։ Գրծ. 20.17-38։ Ա. Յհ. 3.2-6։ Յհ. 9.39-10.10։ Մտ. 16.13-17.13։ Մր. 8.27-9.12։

Երկուշաբթի 23 Մայիսի 2022;
ԼԷ օր Յինանց Ղկ 16.1‐31։ Գրծ 21.1‐14։ Ա Յհ 3.7‐10։ Յհ 10.11‐21։ Մտ 17.14‐20։ Մր 9.13‐28։

Երեքշաբթի 24 Մայիսի 2022;
Գշ. ԼԸ օր Յինանց ԱՒԵՏԱՐԱՆ ԸՍՏ ՂՈՒԿԱՍԻ 17.1‐19։ ԳՈՐԾՔ ԱՌԱՔԵԼՈՑ 21.15‐26։ Ա Յովհաննէս 3.10‐20։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 10.22‐42։ ԱՒԵՏԱՐԱՆ ԸՍՏ ՄԱՏԹԷՈՍԻ 17.21‐18.9։ ԱՒԵՏԱՐԱՆ ԸՍՏ ՄԱՐԿՈՍՒ 9.29‐49։

Չորեքշաբթի 25 Մայիսի 2022;
ԼԹ օր Յինանց Ղկ 17.20‐37։ Գրծ 21.27‐36։ Ա Յհ 3.2‐4.6։ Յհ 11.1‐46։ Մտ 18.10‐35։ Մր 10.1‐12։

Հինգշաբթի 26 Մայիսի 2022;
ՀԱՄԲԱՐՁՈՒՄՆ Քրիստոսի Աստուծոյ մերոյ Ղկ. 18.1-14։ Գրծ. 1.1-14։ Մտ. 28.16-20։ Մտ. 19.1-15։ Մր. 10.13-27։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ