Այսու մեր ժողովրդի սիրելի զաւակներին յայտնում ենք, որ Թեմական խորհուրդը 13 դեկտեմբեր 2022 թւականին գումարած իր արտահերթ նիստում, Ամանորի գիշերւայ տօնակատարութեան եւ հանդիսութեան կազմակերպման պարագան եզրակացրեց ըստ հետեւեալի՝

Իւրաքանչիւր միութիւն հնարաւորութիւն ունի ծրագիր ունենալ միայն միութեան յարկի ներքոյ՝ իր սեփական սրահում, այլապէս որեւէ միութեան արտօնութիւնը հնարաւոր չէ այլ կենտրոնում օգտագործել: Իսկ անսալով Սրբազան Հօր կոչին, նախընտրելի է վերատեսել մեր կեանքը, հեռու մնալ աշխարհիկ չափազանցեալ երեւոյթներից եւ փորձել վերակենդանացնել մեր հայկական աւանդական սովորոյթները, յատկապէս այս օրերին, երբ մեր համայնքային կեանքն ազդւած է երկրում տիրող տնտեսական դժւարութիւններից: Հետեւաբար, կրկնակի պատասխանատւութեամբ եւ յանձնառութեան գիտակցութեամբ փորձենք յաղթահարել այս բոլորին, մանաւանդ որ նման դժւարութիւնները չեն կարող մնայուն լինել:

Նոր Տարւայ շեմին Ձեզ բոլորիդ մաղթում ենք առողջութիւն եւ սէր ու բարօրութիւն Ձեր ընատանիքներին: Թող 2023 թւականը լինի նպատակների եւ երազանքների իրականացման հանգրւան՝ նորանոր բարձրունքների նւաճման հեռանկարով:

Թ.Հ.Թ. ԹԵՄԱԿԱՆ ԽՈՐՀՈՒՐԴ
ԴԵԿՏԵՄԲԵՐ 2022