Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՊԵՏԱԿԱՆ ՄԻՋՈՑԱՌՄԱՄԲ ՄԵԾԱՐՒԵՑ ԻՐԱՆՈՒՄ ԿՐՕՆԱԿԱՆ ՓՈՔՐԱՄԱՍՆՈՒԹԻՒՆՆԵՐԻ ՆԱՀԱՏԱԿՆԵՐԻ ՅԻՇԱՏԱԿԸ

Իսլ. յեղափոխութեան յաղթանակի 44-րդ տարեդարձի ծրագրերի շարանում, հինգշաբթի, փետրւարի 2-ին, համայն Իրանում յարգեցին նահատակների յիշատակը: Այդ առիթով՝ Թեհրանում զրադաշտների գերեզմանատանը կրօնական փոքրամասնութիւնների նահատակների յիշատակին կազմակերպւել էր յարգանքի միջոցառում, որը ի դէպ որպէս կրօնական փոքրամասնութիւնների նահատակների իւրայատուկ միջոցառում համարւում էր 17-րդը եւ ամէն տարի փոքրամասնութիւններից մէկի գերեզմանատանն է կազմակերպւում:

Ծրագրին ելոյթներով հանդէս եկան Իսլ. խորհրդարանում զրադաշտների պատգամաւոր դոկտ. Էխթիարին, Թեհրան նահանգի Նահատակների եւ անձնուրացների հիմնարկի գլխաւոր տնօրէն Աբբասալի Ռեզային եւ Թեհրանի նահանգապետարանի քաղաքական ու անվտանգութեան հարցերով տեղակալ Մոհսէն Նայեբին, որոնք կարեւորեցին կրօնական փոքրամասնութիւնների անմնացորդ դերը՝ Իրանի յեղափոխութեան յաղթանակի եւ պարտադրեալ պատերազմի տարիներին, ընդգծելով բոլոր իրանցիների միասնականութիւնը, յանուն Իրանի տարածքային ամբողջականութեան: Ծրագրի ընթացքում իւրաքանչիւր կրօնական փոքրամասնութիւնից խորհրդանշական ձեւով գնահատւեց մէկ նահատակի ներկայացուցիչ:

Միջոցառմանը, որին ներկայ էին Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը եւ կրօնական փոքրամասնութիւնների պատգամաւորներ ու հոգեւոր ներկայացուցիչներ, Թ. Հ. Թ. Թեմական խորհրդի ներկայացուցիչներ՝ Հայկազ Շիրւանեանը եւ Հայրիկ Աղանեանը, Տ. Յակոբ քհնյ. Քեշիշեանը եւ հայ նահատակների հարազատներ, նահատակների ու անձնուրացների կառոյցում Վալի Ֆաղիհի ներկայացուցիչը, երկրի պետական ու զինւորական ներկայացուցիչներ եւ նահատակների ընտանիքներ, բոլորը ծաղիկներ տեղադրելով նահատակների շիրիմներին յարգանքի տուրք մատուցեցին նրանց յիշատակին, նաեւ զինուժի ուղղաթիռներով ծաղիկներ թափւեցին նահատակների շիրիմների վրայ:

Լուրը՝ «Ալիք»-ից

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ