ՍՐԲԱԶԱՆ ՀԱՅՐՆ ԻՐ ԳՐԱՍԵՆԵԱԿՈՒՄ ԸՆԴՈՒՆԵՑ ՍՐԲ. ՎԱՐԴԱՆԱՆՑ ԵԿԵՂԵՑՈՒ ԽՈՐՀՐԴԻ ՆԵՐԿԱՅԱՑՈՒՑԻՉՆԵՐԻՆ

Կիրակի, թւականիս փետրւարի 5-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Սրբ. Վարդանանց եկեղեցու խորհրդի ներկայացուցիչներին, ովքեր եկել էին Սրբազան Հօր հովանաւորութիւն եւ օրհնութիւնը խնդրելու Սրբ. Վարդանանց տօնին եկեղեցու անւանակոչութեան տօնակատարութեան կապակցութեամբ:

Սոյն հանդիպման նաեւ ներկայ էր Քրիստոնէական դաստիարակութեան բաժանմունքի պատասխանատու՝ Շաքէ Եղիայեանը: Հանդիպման ընթացքում խորհրդակցութիւն կատարւեց նաեւ Սրբ. Ղեւոնդեանց քահանայիցն տօնի տօնակատարութեան վերաբերեալ, որը այս տարի հանդիսաւորապէս տօնւելու է երկուշաբթի փետրւարի 13-ին, Սրբ. Վարդանանց եկեղեցում։

Սրբազան Հայրն իր գոհունակութիւնը յայտնելով, անհրաժեշտ թելադրութիւնները կատարեց, գնահատեց եկեղեցական խորհրդին եւ քաջալերելով խորհրդի համագործակցութիւնը քաղաքամասի միութիւնների հետ, յաջողութիւն մաղթեց նրանց աշխատանքներին:

Ազգային Առաջնորդարանի Հանրային կապ