Հինգշաբթի՝ 30 մայիսի 2024 թւականին, Հայ Համալսարանականների Ընդհանուր միւոթեան նախաձեռնութեամբ միութեան «Նիկոլ Աղբալեան» սրահում տեղի ունեցաւ գեղարւեստական միջոցառում, նւիրւած Մայիս 28-ին:

Պատգամաւորական ժողովի, ինչպէս նաեւ հոգեւոր դասի եւ ազգային մարմինների ներկայացուցիչների ներկայութեամբ իրականացւած ձեռնարկը յագեցւած էր գեղարւեստական համարներով:

Ծրագրի աւարտին ելոյթ ունեցաւ Տ. Արիստակէս քհնյ. Շահմիրեանը, ով կարեւորեց այսօր Հայաստանում տեղի ունեցող իրադարձութիւնները եւ նշեց, որ այսօր Հայաստանի Պետականութիւնը մատնւել է օրհասական վիճակի եւ յանուն պետականութեան գոյատեւմանն այսօր ոտքի ելած ժողովուրդը գիտակցելով պահի կարեւորութիւնը, նոյն Մայիսեան ոգով թոյլ չի տալու թշնամուն իրականացնել իր դարաւոր երազանքը: «Ազգային խմորումներով մշակոյթը, պարը, երաժշտութիւնը, գրականութիւնն ու յատկապէս յաւատացեալի ու Հայոց Առաքելական Եկեղեցւոյ ոգով ու դաստիարակութիւնը հէնց այն արժէքներն ու ամուր հիմքն են, որի վրայ է կառւոցւել մեր հայկականութիւնը եւ նոյն հզօրութեամբ էլ հայը կերտելու է Մայիսեան նոր յաղթանակներ»:

Միջոցառումը եզրափակւեց ներկաների մասնակցութեամբ՝ միասնական շուրջպարով:

Լուրը՝ «Ալիք»-ից