Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՆԱԽԱԳԱՀԱԿԱՆ ԹԵԿՆԱԾՈՒՆԵՐ՝ ԱԼԻՌԵԶԱ ԶԱՔԱՆԻԻ ԵՒ ՄՈՀԱՄՄԱԴ ԲԱՂԵՐ ՂԱԼԻԲԱՖԻ ՇՏԱԲՆԵՐԻ ՑԱՆԿՈՒԹԵԱՄԲ ՀԱՆԴԻՊՈՒՄ ԱԶԳԱՅԻՆ ԱՌԱՋՆՈՐԴԱՐԱՆԻ ԴԱՀԼԻՃՈՒՄ

Իրանի 14-րդ նախագահական ընտրութիւնների թեկնածուների ընտրապայքարի շրջագծում, նախագահական թեկնածուներ՝ Ալիռեզա Զաքանիի եւ Մոհամմադ Բաղեր Ղալիբաֆի շտաբների ցանկութեամբ՝ երկուշաբթի, 24 յունիս 2024 թւականին Ազգ. Առաջնորդարանի դահլիճում, ներկայութեամբ շտաբների ներկայացուցիչների առանձին հանդիպումներ կայացան Ազգային Իշխանութեան ներկայացուցիչների հետ:

Հանդիպման սկզբում, Թեմական խորհրդի ատենապետ ճրտպ. Նորայր Արամեանը ողջունելով հիւրերին յայտնեց, որ ազգային իշխանութեան կողմից մշակւած քաղաքականութեան համաձայն, դիմած բոլոր թեկնածուների շտաբներին առիթ է տրւում ներկայացնելու իրենց պատկան թեկնածուի տեսակէտներն ու ծրագրերը: Նա համապարփակ գծերով ներկայացրեց իրանահայ եւ ի մասնաւորի՝ թեհրանահայ համայնքի ազգային, կրօնական եւ համայնքային կառոյցի եւ վարչական տնօրինման մասին եւ բացատրութիւն տալով, կարեւորեց այն հանգամանքը, որ համայնքի անդամները իրենց բարձր գիտակցութեամբ խորհուրդներում եւ մարմիններում աշխատանքները իրականացնում են սիրողական մակարդակով: Նա նաեւ անդրադարձաւ միութիւնների յարկերի տակ իրականացւող մարզա-մշակութային աշխատանքներին:

Ընթացքում ընդհանուր անդրադարձ կատարւեց կրօնական փոքրամասնութիւններին առնչւող եւ հիմնականում համայնքիս յուզող հարցերին եւ առաջարկութիւններին:

Շտաբների ներկայացուցիչները նախ ներկայացրեցին իրենց թեկնածուի ընտրական ծրագրերը եւ կարեւորելով ընտրութիւններին ժողովրդի մասնակցութիւնը, այն բնութագրեցին, որպէս ժողովրդի միջամուխ լինելը երկրի ներքաղաքական կեանքին:

Երկու հանդիպումների ընթացքում կարեւորութեամբ անդրադարձ կատարւեց հայ եւ իրանցի ժողովուրդների բարեկամութեան ու գործակցութեան խոր արմատներին եւ նշւեց, որ Իրանի Իսլամական Հանրապետութեան մէջ դարեր ի վեր հաստատւած հայ համայնքը անբաժան մասն է կազմում Իրանի մեծ ընտանիքի, հետեւաբար թեհրանի հայ համայնքը, որպէս լիիրաւ եւ հաւատարիմ քաղաքացիներ իրենց համար նւիրական պարտականութիւն են նկատում մասնակցութիւն բերելու ընտրութիւններին:

Հանդիպումների աւարտին պրն. Նորայր Արամեանը յայտնեց որ համոզւած է, որ ինչպէս միշտ, թեհրանահայ համայնքը խուռներամ շարքերով կը մասնակցի նախագահական ընտրութիւններին եւ մեր ժողովրդի մասնակցութիւնը դրական կը գնահատւի եւ կարտացոլւի տարբեր շրջանակներում:

Վերոնշեալ հանդիպումներին ներկայ էին Թեմիս Պատգամաւորական Ժողովի դիւանի ատենապետ Սուրիկ Աբնուսեանը եւ ատենադպիր Արտոյտ Զոհրաբեանը, Թեմական խորհրդի ատենապետ ճրտպ. Նորայր Արամեանը եւ Խորհրդի ներկայացուցիչները եւ Ազգ. Առաջնորդարանի դիւանապետը:

Ազգային Առաջնորդարանի Հանրային կապ

ՏՕՆԵՐ

Կրօնական Տօների Օրացոյց


Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Շաբաթ 29 Յունիսի 2024;
«Տօն Յիսուսի տասներկու առաքեալների եւ տասներեքերորդ առաքեալի՝ Պօղոսի»

Շաբաթ 06 Յուլիսի 2024;
Հին ուխտի տապանակի յիշատակը եւ Նոր ուխտի սուրբ եկեղեցու տօնը:

Կիրակի 07 Յուլիսի 2024;
«Յիսուս Քրիստոսի Պայծառակերպութիւնը

Շաբաթ 13 Յուլիսի 2024;
Ս.Թադէոս առաքեալի եւ Ս. Սանդուխտ կոյսի յիշատակութեան օր

Երկուշաբթի 15 Յուլիսի 2024;
Ս. Կիպրիանոս եպիսկոպոսի եւ Յուստիանէ կոյսի, Եւփիմէ կոյսի եւ Փոքր Հայքի Հայ Լեգէոնի 45 վկաների, Քրիստինէ կոյսի Յիշատակութեան օր

Երեքշաբթի 16 Յուլիսի 2024;
Տօն Աթանագինէս եպիսկոպոսը

Հինգշաբթի 18 Յուլիսի 2024;
Այսօր Տօնն է Ս. Գրիգոր Լուսաւորչի որդիների և Թոռների Յիշատակութեան օրը

Երեքշաբթի 30 Յուլիսի 2024;
Այսօր Հայոց առաքելական եկեղեցին յիշատակում է Սուրբ Վահան Գողթնեցուն:

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Չորեքշաբթի 10 Յուլիսի 2024;
Ա Կորնթացիներ 1.1‐9։ ԱՒԵՏԱՐԱՆ ԸՍՏ ՄԱՏԹԷՈՍԻ 17.21‐18.4։

Հինգշաբթի 11 Յուլիսի 2024;
Տօն՝ Սրբոյն Եսայեայ մարգարէին

Ուրբաթ 12 Յուլիսի 2024;
Ա Կորնթացիներ 1.10‐18։ ԱՒԵՏԱՐԱՆ ԸՍՏ ՄԱՏԹԷՈՍԻ 18.2‐9։

Շաբաթ 13 Յուլիսի 2024;
Սրբոցն Թադէոսի առաքելոյն մերոյ եւ Սանդխտոյ կուսին

Կիրակի 14 Յուլիսի 2024;
Բ կիր. զկնի Վարդավառի

Երկուշաբթի 15 Յուլիսի 2024;
Տօն՝ Սրբոցն Կիպրիանոսի եպիսկոպոսին և քառասուն և հինգ վկայիցն,եւ սրբոց կուսանացն Յուստինեայ, Եւփիմեայ և Քրիստինեայ

Երեքշաբթի 16 Յուլիսի 2024;
Տօն՝ Սրբոցն Աթանագինեայ եպիսկոպոսին եւ տասն աշակերտացն եւ հինգ վկայիցն

Չորեքշաբթի 17 Յուլիսի 2024;
Ա Կորնթ 2։12-3։10, Մտթ․18։15-22

Հինգշաբթի 18 Յուլիսի 2024;
Տօն՝ Սրբոց նախահարցն` Ադամայ, Աբէլի, Սեթայ, Ենովսայ, Ենովքայ, Նոյի, Մելքիսեդեկի, Աբրահամու, Իսահակայ, Յակովբայ, Յովսեփայ, Մովսիսի, Ահարօնի, Եղիազարու, Յեսուայ, Սամուէլի, Սամփսոնի, Յեփթայեայ, Բարակայ, Գեդէօնի եւ այլոց սրբոց նախահարցն

Ուրբաթ 19 Յուլիսի 2024;
Ա Կորնթ․5։9-6։10, Մտթ 18։23-35

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ