Երկուշաբթի, 9 դեկտեմբեր 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանի հրաւէրով, հանդիպում կայացաւ նորանշանակ Եկեղեցական խորհուրդների ատենապետների եւ ներկայացուցիչների հետ: Սոյն հանդիպման նաեւ ներկայ էին  Թեմական խորհրդում Եկեղեցական խորհրդների հետ կապ՝ պրն. Հայրիկ Աղանեանը եւ Քրիստոնէական դաստիարակութեան բաժանմունքի պատասխանատու՝ տկն. Շաքէ Եղիայեանը:

Սրբազան Հայրը ջերմօրէն ողջունեց ժողովականներին եւ շնորհաւորեց նորանշանակ կազմերին ստանձնած պարտականութեան առիթով: Նա գնահատելով խորհուրդների նախանձախնդիր գործունէութիւնը յոյս յայտնեց, որ նոյն ընթացքով կը շարունակւեն աշխատանքները: Թեմակալ Առաջնորդը մասնաւոր անդրադարձ ունեցաւ եւ յատուկ շնորհակալութիւն յայտնեց Թեմական խորհրդին նաեւ տկն. Շաքէ Եղիայեանին՝ հիւանդութեան եւ ապաքինման ընթացքում ցուցաբերած ուշադրութեան եւ հոգածու խնամքի համար:

Պրն. Հայրիկ Աղանեանը նաեւ իր հերթին Թեմական խորհրդի անունից շնորհաւորելով, ընդգծեց կանոնագրութեամբ իրաւասութիւնների սահմանները յարգելու եւ աշխատանքներում համագործակցութիւն ու խորհրդակցութիւն ունենալու կարեւորութիւնը:

Հանդիպման հիմնական օրակարգում, բոլոր եկեղեցիներում միաձեւութիւնը պահպանելու նպատակով, խորհրդակցութիւն եւ համադրութիւն կատարւեց մօտալուտ Ամանորի եւ Ս. Ծննդեան ու Աստւածայայտութեան տօնակատարութիւնների կազմակերպչական աշխատանքների վերաբերեալ:

Սրբազան Հայրը անհրաժեշտ թելադրութիւնը կատարեց տօնակատարութիւնները պատշաճօրէն նշելու ուղղութեամբ եւ յոյս յայտնեց, որ բոլորը վերանորոգ հաւատքով ու եռանդով սկսեն գալիք 2025 թւականը:

Ազգային Առաջնորդարանի Հանրային կապ