Ամանորի եւ Ս. Ծննդեան տօների առիթով, երկուշաբթի՝ 30 դեկտեմբեր 2024 թւականին, Բուժքոյրերի կազմակերպութեան ընդհանուր տնօրէն դոկտ. Նեջաթեանը եւ նրան ընկերակցող պատւիրակութիւնը շնորհաւորական այցելութիւն կատարեցին՝ Ազգ. Առաջնորդարան եւ «Ա. Աւետիսեան» Ազգ. բուժարան:

Ազգային Առաջնորդարանի դահլիճում հիւրերին դիմաւորեցին Թեմական խորհրդի ատենապետ Վարուժ Յովհաննիսեանը, Կրօնական խորհրդի ատենապետ Տ. Մաշտոց քհնյ. Խաչատրեանը եւ ազգ. առաջնորդարանի դիւանապետ Զօրիկ Կարապետեանը:

Իսկ «Ա. Աւետիսեան» բուժարանում դոկտ. Նեջաթեանը հանդիպում ունեցաւ բուժարանի տնօրէնութեան՝ պրն.. Խոսրաւանիի, դոկտ. Քեշիշեանի, տկն. Ալինա Նազարեանի եւ գլխաւոր բուժքոյր Ժասմէն Իսկանդարեանի հետ:

Երկու հանդիպումների ընթացքում երախտիքի խօսքեր հնչեցին ցուցաբերւած ուշադրութեան եւ խոր յարգանքի համար:

Ազգային Առաջնորդարանում կայացած հանդիպման աւարտին, հիւրերին նւիրւեցին «Իրանի հայկական եկեղեցիներ» խորագրով եւ «کلیسای ارمنی» խորագրով գրքերը, որից յետոյ այցելութիւն կատարւեց Սուրբ Սարգիս եկեղեցի:

Ազգային Առաջնորդարանի Հանրային կապ