Մարդասիրական կեցւածքն ու իրարօգնութիւնը հայ հասարակութեան մէջ անծանօթ երեւոյթ չէ, յատկապէս ներկայ տնտեսական մտահոգիչ զարգացումները, որոնք անելային կացութեան են մատնել համեստ ապրող ընտանիքներին:

Այս լոյսի ներքոյ Թ.Հ.Թ. Կարիքաւորներին Օժանդակող Մարմինը, ոչ մի ջանք չխնայելով եւ բարեսիրական բնագաւառում ամենօրեայ ակտիւ աշխատանքով շարունակում է իր ծառայութիւնն ի նպաստ համայնքիս կարիքաւոր ընտանիքների:

Առ այդ, Քրիստոսի Ս. Յարութեան (Զատիկ) տօնի նախաշէմին Իրանի Իսլ. Խորհրդարանում Թեհրանի եւ հիւսիսային Իրանահայութեան պատգամաւոր դոկտ. Արա Շահվերդեանի օգնութեամբ նախաձեռնւեցին եւ իրականացւեցին պարէնային կապոցների բաժանման աշխատանքը՝ աւելի քան 500 ընտանիքների միջեւ:

Նշելի է, որ պարէնների բաժնման օրը ԿՕՄ-ի մեծ ընտանիքի կողքին էին Թեմական Խորհրդի ներկայացուցիչներ՝ տկն. Արմինէ Սէթխանեանը եւ պրնյք. Հայրիկ Աղանեանը, Մհեր Օհանեանը, Հարմիկ Աւետեանը եւ Հայկ Տէր Մկրտչեանը, «Սարդարապատ» քաղաքամասի պատգամաւորներ՝ պրնյք. Արամ Նովշադեանը եւ Էդւարդ Աբրահամեանը նաեւ Սրբ. Վարդանանց եկեղեցու խորհրդի նախագահ տկն. Անահիտ Միխայեանը։

Նախքան պարէնների բաժանումը տեղի ունեցաւ հանդիպում, որի ընթացքում ԿՕՄ-ի ատենապետ Մուշեղ Ծատրեանը բացատրութիւն տւեց մարմնի գործելաոճի եւ աշխատանքների մասին, իսկ վերջում Թեմական Խորհրդի կողմից բարձր գնահաւեց Մարմնիս կատարած բոլոր աշխատանքները։

Այս առիթով, Կարիքաւորներին Օժանդակող Մարմինը իր երախտագիտութիւնն է յայտնում բոլոր այն անձանց, ովքեր մասնակցել եւ աջակցել են սոյն աշխատանքին։

Թ.Հ.Թ.ԿԱՐԻՔԱՒՈՐՆԵՐԻՆ
ՕԺԱՆԴԱԿՈՂ ՄԱՐՄԻՆ