Չորեքշաբթի՝ ապրիլի 30-ին, Հայ Համալսարանականների Ընդհանուր միւթեան նախաձեռնութեամբ, միութեան համագումարների դահլիճում տեղի ունեցաւ բանախօսական երեկոյ՝ «Ցեղասպանութիւնը եւ մեդիան» թեմայով:

ՀՀԸՄ վարչութեան անդամ Լիլիա Դանղեանի խօսքից յետոյ օրւայ թեմայով ելոյթ ունեցաւ «ԱԼԻՔ» օրաթերթի խմբագրակազմի անդամ Ադիս Իսաղուլեանը:

Բանախօսն անդրադառնալով Ցեղասպանութեան եզրոյթի կիրռամանը մեդիադաշտում, մասնաւորապէս սոցիալական ցանցերում կատարւող հրապարակումներում ու գրառումներում, փորձեց լսարանի ուշադրութեանը յանձնել հանրութեան կարծիքի ձեւաւորման նորագոյն հնարաքները:

Մեդիադաշտի տեսակների վերաբերեալ զրոյցի բաժնում կարեւորւեց՝ «ճշմարտութեան» դիմաց, որպէս հակակշիռ ներկայացւող օգտատէրերի ակտիւութիւնն ու քանակը, ինչին թւայնացւած հարթակներում մեծ նշանակութիւն ու դերակատարութիւն է վերապահւած տեղեկատւութեան տարածման, կամ դրա արդիւնքում լսարանին որպէս ընդունելի տարբերակ հրամցնելու առումով:

Շօշափւել են նաեւ սոցիալական ցանցերի տեսակաւորման մասին հարցեր, ինչպէս նաեւ դեղին մամուլի նորացւած տարբերակը, ինչպէսին ՄԷԹԱ-ի հարթակներն են (ֆէյսբուքը եւ մասամբ ինստագրամը), որից ամենաշատ ազդեցութիւնն է կրում հասարակութիւնը, յատկապէս Մերձաւոր Արեւելքի լսարանը, ինչպէս նաեւ կովկասեան օգտատէրերը:

Ելոյթի եզրափակիչ բաժնում բանախօսն անդրադարձաւ մասնագիտացւած հարթակներում փոքրաթիւ, բայց միեւնոյն ժամանակ ազդեցիկ ու մեծ լսարաններ ունեցող օգտահաշիւների վրայ ազդելու փաստի կարեւորութեանը, ինչը ժամանակակից մօտեցումներով ու մեթոդիկայով ներկայացւած նախագծերի իրականացումից է կախւխած միայն, որի ուղղութեամբ հայեցակարգային մօտեցում է պէտք ներարկել կազմակերպիչական գործունէութեամբ զբաղւող կենտրոնների մօտեցումներում:

Մինչեւ կէս գիշեր ձգւած հանդիպման աւարտին համայնքային անցուդարձերի լուսաբանման, ծագած խնդիրների շուրջ լսարանի կողմից բարձրաձայնւած հասարակական ու քաղաքական հարցումներին պատասխանելով, բանախօսը իւրաքանչիւր հարցի շուրջ գնահատականներ տալու խնդիրը վերապահելով փորձագէտներին, փորձեց թոյլատրելի սահմաններում ծանրանալ սոցիալական հարթակներում՝ պատասխանատւութեան սահամններում ԶԼՄ-ների գործունէութեան եւ հնարաւորութիւնների վրայ:

Լուրը՝ «Ալիք»-ից